سفرة عاااااامرة

دعوة لتناول ما لذ وطاب من السفرة السودانية الغنية

النبي اشربوا الجبنة تهضم ليكم بعد الاكل دي بكرية

المشاركة الأصلية كتبت بواسطة ام وسن

دعوة لتناول ما لذ وطاب من السفرة السودانية الغنية

التحية والتقدير للأخت العزيزة أم وسن ، أكيد السفرة دي من المعمورة أو الرياض أو المنشية !! أهلنا الغبش في الكلاكلات والشقيلاب سفرتهم فتة مسكين وبيحمدوا ربهم لكن ديل بيردموا ردم يوماً ما لذ وطاب ولو لقوا كان شالوا فتة المسكين كمان 000 تحياتي

كلامينكوف العزيز لك التحية وما عندك مشكلة دة كمان فول مظبوووط عشان الغلابة الحمد لله مرتاحين من الامراض الكتيرة عليك الله شفت ليك زول من الكلاكلة ولا الشقيلاب او الحاج يوسف سفروه الاردن عندو تصلب في الشرايين ولا ودوه مصر للعلاج اخر حد ليهم المستشفى التركي وربنا معاهم









وكمان صحن سخينة حااااااارة

شايفاكم صانيييييييين شلت فطوري وقت ان نفطر معاكم
النبي دخلوا ايديكم معانا ضوقوا اللحمة دي كيف طاعمة

ماشاء الله لقيتكم محتاجين وصلة اها اتناولوها وبالهنا

الله عليكي بت الخال والله السفرة بيفتح النفس وما تسمعي كلام أبو الكلام السفرة دي بنفس الأصناف موجودة في الكلاكلات والشقيلاب وحتي في التمتام بطريق شريان الشمال السفرة دي موجودة بنفس الشكل أيام البوش ومويه الفول أصبح ذي من الماضي الفتة أصبح تحلية الناس بقت تقول ما تعملو لينا بوش اليوم أصلو أشتقنا لها شديييييييييييد

الليلة مع البرد دة جبت ليكم قراصة بلح((شيلد))
زكرتونا السفر باللواري




ودي مديدة حلبة لزوم البرد

الاخت الغاليه ام وسن سفره دائمه انشاء الله الله يعطيكى العافيه ولكن السفره اكيد عرس وعرس كارب عقبال نفرح بكل الشباب والشابات يارب

المشاركة الأصلية كتبت بواسطة ام وسن

الليلة مع البرد دة جبت ليكم قراصة بلح((شيلد))
زكرتونا السفر باللواري




ودي مديدة حلبة لزوم البرد

اكلكم مااااااااااااااااااااااااااااا سمح ويييييييين الاتردسى

نوح ولا يهمك جبت ليك ملاح الخدرة وكمان الكسرة اها بعد دة رايك شنو؟؟

والله أكل يفتح النفس يا أم وسن وخاصة الاتر دسي والكسرة .

المشاركة الأصلية كتبت بواسطة ام وسن

نوح ولا يهمك جبت ليك ملاح الخدرة وكمان الكسرة اها بعد دة رايك شنو؟؟

زين زين ولا يا ام وسن كدة الاتردسى يا بلاش واذا امكن قراصة بى تقلية ما تخافى حادفع ليك حقك ام فيصل دى حتأكل معاى ولا ايه

أم وسن عايزين صفرة كاربة يوم فوز البشير ولازم أبو الكلام وراجي وشمسي وعفيف وسيقا
يكونوا في مقدمة المعازيم ليعرفوا بأن المؤتمرين قلبهم كبير وبيتسامحوا مع الجميع .

مامكن يابنت عمتى شهتنى وطيب وين الكوداد بالكسره ويعطيك العافيه

اووووووووووووووووووعك يا ام وسن تسمع كلام مموشى

بسم الله الرحمن الرحيم

شكرا لك أم وسن على السفرة العامرة والطيبة

الله يديمها ها النعمة ويحفظها من الزوال

والله لكن يا حبيبتي صالحة بالغتي أصلو التقنيات الحديثة التي ظهرت في الآونة الأخيرة رغم حداثتها لاتستطيع تصوير ( الكداد ) ومافي شاكلتها

فقط الإتردسي فما فوق

ودمتم في حفظ الله ورعايته

المشاركة الأصلية كتبت بواسطة ام وسن

الله يديكي العافية يا أم وسن شيه معتبره بالمره كده ورينا طريقة الشربوت كيف

تعرفى يا يت خالى أم وسن - أسع دى من الوقت دااا لحين الليل - الناس فى البلد بتعمل ذي خلية النحل .. من العصيرى الناس كلها فى الشارع - الحريم والصبايا - البتنظف الفسحات قدام خشم البيوت - البتنظف حيشان البيوت - اللى نازل للنخيل عشان يجهز سعف وجريد النخل لزيارة المقابر صباح العيد - اللى رايح الى ( تبد ) عشان يسنن سكاكين لحم خروف الضحية .. والمرارة والشية و ( كرين اميد ) ووووووووووووو الخ .

آه يا أم وسن - لقد أثرتى شجونى بتلك السفرة الطاعمة العامرة - ربنا يعمر بيوتنا وأهلنا وين ما هم موجودين .. ( منقووون بنجى .. منقووون ويلييييسى ) !!!
فى هذه اللحظات التى تجيش فيها الخواطر .. لا يسعنى الا أن أبعث لك ولأسرتكِ الكريمة أسمى آيات التهانى بالعيد السعيد .. وعبركِ لكل بورداب المنتدى .

مودتى وفتك بعافية .

شوفوا فطور ام العريس

رايكم شنو في فطور ام العريس دة

المشاركة الأصلية كتبت بواسطة ام وسن

رايكم شنو في فطور ام العريس دة

أم وسن بالله فطور ام العريس بقت كدى ..؟؟

المشاركة الأصلية كتبت بواسطة alatbarawee

أم وسن بالله فطور ام العريس بقت كدى ..؟؟

انت من حسى ما تأكــل شئ يا عريس!!!!

العطبراوي صباحاتك وردية
وازيدك من الشعر بيت






عرفت المغتغت دة شنو دي الجرادل فيها الملاح (الروب-- النعيمية--التقلية)لزوم العصيدة وداااااااك هناك السيد فول رافعا عنقه الطويل بكل شموخ قائلا انا هنا

العزيزة أم وسن :
قبل فترة تابعت جزءا من برنامج أعتقد فى الفضائية السودانية عن التكلفة الكبيرة والمتعاظمة لفطور ( أم العريس ) أم قالوا ( أم العروس ) الصراحة ما متأكد - الجزء الذى تابعته كان يتضمن تجوال بالكاميرا ولقاءات ميدانية مع بعض السيدات يبدين عن رأيهن فى هذا الفطور ( موضة جديدة ) والذى أجمعن عليهن جميعهن عن فاتورتها المرتفعة جداً وان كانت الفاتورة تختلف من محل الى محل ومن أصناف الى أصناف .
كما مرت الكاميرا على تلك المحلات الراقية المتخصصة فى اعداد نوع هذا الفطور .
أرجو أن تفيدونا والقارى دام فضلكم : ببعض التفاصيل حول هذا الموضوع وبدايته محتوياته الرئيسية وتكلفته وهل هناك نسبة كبيرة ممن يقومون باعداد نوع هذا الفطور .
يديكى العافية ودامت سفرتكم عامرة .