العودة   منتديات قرية عمارة ( البيت بيتك ) > القسم الثقافي الرياضي الإجتماعي > المنتدى الثقافي


آخر المشاركات المطروحة في منتديات قرية عمارة ( البيت بيتك ) .

  في السودان.. مَن يناور مَن؟! يوسف الكويليت ( المشاركة الأخيرة بواسطة : حاتم ارنتى ، عددالمشاركات : 1 ، عددالمشاهدات : 18 )   « »   @ بعض من الرياضة العالمية والخليجية @ ( المشاركة الأخيرة بواسطة : amaratod ، عددالمشاركات : 198 ، عددالمشاهدات : 13868 )   « »   غناوي الشوق ... ( المشاركة الأخيرة بواسطة : Fawzi Salih Wahbi ، عددالمشاركات : 267 ، عددالمشاهدات : 21483 )   « »   خواطر وذكريات ( المشاركة الأخيرة بواسطة : أنور محمدين ، عددالمشاركات : 436 ، عددالمشاهدات : 32176 )   « »   شيءٌ من الشِّعِر ... ( المشاركة الأخيرة بواسطة : Fawzi Salih Wahbi ، عددالمشاركات : 922 ، عددالمشاهدات : 52940 )   « »   يوميـــات عـــــــــزوز ( المشاركة الأخيرة بواسطة : امبروزو ، عددالمشاركات : 231 ، عددالمشاهدات : 24452 )   « »   هل حقاًُ تتطابق القضايا النوبية هنا وهناك ؟. ( المشاركة الأخيرة بواسطة : الحسن هاشم ، عددالمشاركات : 1 ، عددالمشاهدات : 58 )   « »   لقاء الأحد ( المشاركة الأخيرة بواسطة : مموشى سيدا ، عددالمشاركات : 313 ، عددالمشاهدات : 18551 )   « »   في ذمة الله حمدي قرناص ( المشاركة الأخيرة بواسطة : bushra alzain ، عددالمشاركات : 3 ، عددالمشاهدات : 181 )   « »   ادخل المنتدي بذكر الله ( المشاركة الأخيرة بواسطة : amaratod ، عددالمشاركات : 13 ، عددالمشاهدات : 203 )   « »  

اّخر الأخبار
أهلا وسهلا ومرحباً : غير مسجل تم بحمد الله ترقية المنتدى للنسخة الأخيرة المتطورة من الجيل الثالث 3.8.7 عن طريق الدعم الفني من شركة الاستضافة خلال اليوم مع تركيب هاكات جديدة أهمها هاك ( الأعضاء الذين شاركو اليوم ) وتجدونها أسفل المتواجدون خلال اليوم وذلك تشجيعاً للأعضاء للمشاركة كما تم تركيب هاكات اخرى للحماية ومنع سوء استخدام التسجيل في المنتدى ومنع التستجيل الاسم بالانجليزي والارقام وتكرار التسجيل باسماء وهمية وتم تركيب هاك جديد للاستفتاءات سيفعل قريبا وهاكات اخرى جاري تركيبها مع تمناياتنا بالتوفيق ،،،،،،،

الإهداءات

إضافة رد
 
أدوات الموضوع
قديم 08-09-2007, 12:43 AM رقم المشاركة : 91
افتراضي مشاركة: صالون الشوايقة

صدقني في ليلة زفافي
وأنا باكية بالدمع التقيل
ما ناسية للعهد القبيل
وريني كيف يسعد قليب
زفوهو بالنوح والعويل
ديل التباريح والحزن
عاد سواد ليلاً طويل
أعذرني يا عشق الخلوق
ما بي إيدي اخترت البلديل
إختاروا لي أهلي الكبار
منعول أبو المال البحيل
أنا كنت دايراك في اليمين
والدارة طرباني وتميل
في الحني والزين والضرير
قايدني للشبال تشيل
إلا الأهل حرموا القلوب
من فرحة العشق النبيل
عاذراهو قلبك لو يلوم
قبلاني لي همك أشيل
إنتا المنى ومعنى الهنا
جاني السراب كت لي يميل
أيامي من بعدك بقت
أفراحا بعد من سهيل
يا حليلي من واحات هواك
عيني كانت بتقول حليل
ما ناسية أيامنا المضن
من كاسا نشرب سلسبيل
نجوانا لقيانا الزمان
بين الأزاهر والنخيل
كيف أنسى زولاً صان هواي
ظاليني بي ظلو الظليل
ذكراك دايماً في القليب
أنساك كان من المستحيل
أسفاي على بيت الحلال
لافيهو بسمة ولا عديل
أسفاي على السعد الرحل
فاقد دروس روض الهديل
أسفاي على النغم الحزين
الباكي دمعاتو وتسيل
أسفاي على الولد البكون
في رحمي ليهو سواد كتير
سائلي الله يديك النعيم
من زخمة الأفراح يكيل
ينزل عليك غيث السحاب
ويخدر اليا دوب شتيل
أنا سيبني لي ألمي وبكاي
أحزاني ما نواية الرحيل
ما بين لهيب ذكراك أنا
أندب حظوظ قلبي العليل






التوقيع

رد مع اقتباس
قديم 08-09-2007, 01:04 AM رقم المشاركة : 92
افتراضي مشاركة: صالون الشوايقة

تـانـي مــا بنـدسـه الخـبـر نـحـن قــدام واقــع مـريــر
فى البنات زي السـوس نقـر يـا خـى دنيـا اخـر زمـن
عـوانـس فــى المجتـمـع ديـــل بـقــن للـبـنـوت عـبــر
قبلهن كم الات سمـاح ضاعـن واخيـر ياخـدن الحـذر
الزواج صح قسمه ونصيب حكمـة ممـا خلقـوا البشـر
بيهو كم عاشقين ضاقوا مر مؤمنين بيهو قضاء وقدر
اوعــه مــا تخـدعـك الـوجـوه المنـديـة مـتـل الـزهــر
تبدو مبتسمه فى الصباح وفى الدواخل عـدوان وشـر
السمـاح ماهـو سمـاح عيـون واقعـه متمتعـه بالـحـور
ماهو عود نادى ومستقيم نامي فوق عز وفـوق بطـر
مــا تـقــول سـمـحـات الـشـفـاه المـنـديـه زى الـزهــر
مــا بتـأكـدوا لـيـك الكـتـوف الـمــردم فـــوق الـشـعـر
مــا تـقـول سمـحـات الشـفـاه الكـلامـن يـهــز الـوتــر
مــا بتـأكـدوا لـيـك الكـتـوف الـمــردم فـــوق الـشـعـر
السمـاح فـى العفـة والديـن القنـاعـه وغــض البـصـر
دي القناعـه وكنـز الزمـان واحتـمـال نكـبـات الـدهـر
البـنـات تابـعـات الـهـوي مغـرمـات باللـيـل والـسـهـر
الغرام بقى بس بي الجيوب والبيـوت والطيـن والمتـر
الواحـدة تتعلـق بالـدروس والمـراوغـة مـنـذ الصـغـر
تنتظر لن تقضي الدروس وتسهى لمن يفوتهـا القطـر
حـتـي كــان قلـتـا الامـهـات الـعـرس سـونــو مـتـجـر
اصبحـن للدنيـا العبـوس وللقـروش سعـرانـات سـعـر
يــا حلـيـل زمــن الابـهـات كـانـوا غسالـيـن للـصـقـر
الزمام صار عند الحريم صار عديل البيع فـى المهـر
فـات زمـان الحـن والحنيـن الفضيـلـة وعـاهـا انـدثـر
لا تهـم يـا اخـوي إن سمـع قالـوا قــام شــوك للعـشـر

--------------------------------------------------------------------------------






التوقيع

رد مع اقتباس
قديم 08-09-2007, 03:58 PM رقم المشاركة : 93
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

باكر بجيك
غناء عبد الرحيم ارقي
باكر بجيك مـن سكـة القلـب العشـق ذاتـك سنيـن
من صرخـة الماضـي اللـى كـان قاسـى وضنيـن
خايف يكون زيـف المـدن غيـر اصالتـك والحنيـن
جايكى من ليـل العـذاب ارجينـى بالصبـح المبيـن
فتينـى لليـل الطويـل يرمنـى فـى حضـن الألـم
فتينى بين شبح الظنـون واحـزان بتنبـع مـن وهـم
ارجينى فوق ارض الصبر جايكى مـن زمنـاً سجـم
لا فيهـو للأفـراح طريـق ولا فيهـو للأيـام طعـم
باكر بجيك بى لعنـة الريـد الملـت قلبـى الجريـح
بى حال بيغنى عن السؤال مابيوصفو الخاطر الفصيـح
خايف يقصر بى العمـر تحملنـى مـن الدنيـا ريـح
لو كان مقدر إنى اروح سويلى فى خاطـرك ضريـح
سافرتى ما خليتـى خيـط ابراهـو للمرسـى الجديـد
سافرتى ما خليتى لـى غيـر ذكـرت الزمـن البعيـد
علمتى روحى الإنشراح علمتـى قلبـى يحـن شديـد
فجأة اختفيتى من الدروب واخفيتى كل زمنـى السعيـد
لكنى لى احساس يسوق خطواتى لـى اجمـل عيـون
باكر بتلقى خطاى معاك تتمشـى مـا بيـن الغصـون
ما تقولى لى وصلت كيف ميـن دل قلبـك يـا حنـون
ان أنا قلبى اصبح ليك مكان يا الناسيه إنى انا ليكى كون
باكر بينكشف الضباب والقاكـى فـى فـرح الشبـاب
تقشى فى دمـع الفـراق وتزيلـى فـى ألـم العـذاب
بكره المسافات تجتمـع وتلـم قلـوب يـوم عيـدا آب
ويعود شباب الفى هواك يا حلوة بـى احزانـو شـاب







رد مع اقتباس
قديم 08-09-2007, 04:04 PM رقم المشاركة : 94
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

حبي انا ليك كان زادي
غناء ارقي
حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين
مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين
وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين
وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين
وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خــداع محال ما بـيروي عطشانين
وداعــاً يـا كــلام معـســول حــدو ومكـمــنـــو الشفتين
وداعــاً يـا سحـابـة صيــف شايلى مـطـر ضليلا رهين
تـبـشــر بـى خـريف جايـيـنا ياما الـناس رجوهو سنين
كل زولاً يـفـكــر فـيــهــا مـا مــعـــروفــة تـنــزل وين
وألف سلام عليك يا قلبي المـســالـم وديمه طبعو حنين
يتـاورو الـشــوق ويلعـب بيـهو تـنـحر فى حشا السكين
تـعــاودو الـذكــري تــنــتـر جـوا حـالـو يحنن المسكين
أخــيــراً مــى لـيــك سـلام وقبل ما تـجـف دموع العين
وقـبــال مـنــى مــا تـعــــدى وقــبــال الـفـراق ما يحين
بخـيـت وسعيد عليك إن شـاءالله يـبـقالـك عـمــار وبنين
وقـلــبى أنـــا خـلــى فـى أنـاتـو بـعـدك ياما راجى أنين
ولـو كــان يــا قـلــب حـبـيــت بـعــدو بعـد قسمت يمين
مــا يـنــتـــمّ لــيــك مــراد لا تـضــوق لا حلو ولا زين
وتـفـضـل طول حياتك تبكى طول عمرك تعيشو حزين
وعــمـرك مــا تجـيـك سـعــادة مــا تـتـهــنــا قـول آمين
وتـــانـى الحـب عـلـيـك حرمان ووعد الحر أمانه ودين







رد مع اقتباس
قديم 08-09-2007, 04:06 PM رقم المشاركة : 95
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

حق الأم
المبدع / خليفه محمد


أبــوك لــبـى نـداء الأجـل خـــلاك فـى الأرحــام جنين
عـنـد الـمـخـاض سـاعة مجيك طار المنام من أى عين
يـوم قـالو لى أمك ولد وفى الفرحة غرقوا الحاضرين
سـرحـت مـع الأحـلام سـمـت قـالـت عشاى يكبر متين
أشوف جديدو أضوق حلوهو الناس يقولوا عديل وزين
يـزرع حـيـاتى هـنـا وسـرور يـمـلاهـا بالـمـال والبنين
اتـحـــزمــت واتـلــزمــت وســـألــت إلـه الـكـون يعين
صــدت جـمــيـع الـمـغـريـات ورضت إعانة كل معين
صـبـرت على ظـلـم الحـسـن وجازيتـا بى ظلم الحسين
حـلـيـلـك يـا الـضـمـيـرك مـات ودست قيمـنا واتوطيت
تــابـع نــفـســـك الأمـــــارة حـــــدك فــتـــــو وإتعديت
قـول لى يـــا خى لـو بـالـجـد وعـقـلـك فـيــك وماجنيت
تـسـمـع كـيـف كـلام مـرتـك وترضى أمك تفوت البيت
زهـدت فى نـعـيـم الـدنـيـا شـان فـاخـر الـثـيـاب تكسيك
ورفـضـت بى أدب خـطـابـا شـان مـا يـبـقو ليك شريك
بـالـهـنـا والـنـعـيـم الـعـشـتـو حـلــمـك رابـك الـحـد ليك
صـبـحــت جـنـتــا واحـلامـا غـيـرك مـافى ليها طريق
راس الـشــوكى لـو مــسـاك يـشـعـل فى قـلـيـبـا حريق
تـطــويـهـا الـهـمـوم والـغـمـة لـمـن إنـت تـصحي تفيق
لـو فــد يــوم حــردت غــداك يـومـيــن مـا تـفـك الريق
بـالـجـد والـعـزم والـنـخـوة والـصـبـر الـنجد من ضيق
وربــت بـالـحــلال والله شــاهــديــن الـعـزول وصديق
نــاس الـحــلـة والـعـرفــوهـا والـجـيــران فى أى فريق
مـا ذكـروهـا غـيـر حـمـدوهـا بـالـمــصـلايـة والإبريق
لــكــن وا ضــيـــاع تــربــاتــا حــقــهــا ذرة مـا أوفيت
حــلــيــلا ووا خــســار بــلالا يــبــقــالـك سعيد وبخيت
كــايــس لـلــســـعــادة دروبــا دابــك بـى جـدارة شقيت
فــرشــك تــانـى يــبــقـى جـحيم وما بتقدر عليهو تبيت
غــرقــت فى الـهــمـوم والآهـة ايــدك لـيـهـا مــا مديت
ومــرضــت مـا سعـيـت فى علاجا لا هماك لا اهتميت
مـهـمـا تـصـلـى ولا تـزكـى كـان عـمـرت كـان حجيت
رب الــعــزة كـيـفـن يـرضـى أمـك لـيــهـا مـا ارضيت
كـيـف يـنـتـم لـيـك مـراد وضـاع راس الـعـشـم والخيط
ولـسـه فـى الــغــلـط مـتـمـادى الـسـويـتـو قـايـلـو بسيط
مـفـضـوح تــاني مـا ضــاراك لا لـيـل لا زمـن لا حيط
عــيــن الــنـاس مـحــل تـمـشـى اسـتـنـكـارا بـيـك يحيط
ويـن راح تـلـقـى زى الأم قــلـب وافى وحـنــانـو وهيط
ومـافى شـبـيـهـا غـيـر نـخـلـتـنـا لـما تشيل تسوى سبيط
جــازت بـالــرطــب رامـيــهـا مـا قـالـتـلـوا انـت قسيت
قــاومـت أى ريـح جـايـيـها عـشـان الـطـيـر عليها يبيت
يـا شـارب كــؤوس الـغـفـلـة لـوصحـاك غـناى ووعيت
حـصـل والــدتــك رضـيـهـا طـوق جـيـدا بـالـسـومـيـت
والله أحــسـن جــنـاك الــوالـدو فـيـك يـسـوى مـا سويت
حــق الأم قــرض صــدقـنى ضــاقــتـو فى جليدا كريت







رد مع اقتباس
قديم 08-09-2007, 04:09 PM رقم المشاركة : 96
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

بلوم فيك الضمير
عبدالقيوم الشريف


أنـا الـوم فـيـك الـضـمـيـر الـفـى دنـــــاك اتـــــلاشـي غاب
يــا يـابـا تـقـسـي حـرام عـلـيـك بـتـك ربيعها يضيع سراب
انــا لــومـى دار اشـكـيـك لـى اهـلـك وقـرايـبك والصحاب
دايـــــــــــــر افــــض اســـــــــــــرارى واكــشـــف للنقاب
جـــيـــت دار أصــوغ مــا صــابــنـى في أجــمـــل خطاب
يــروى الــقــلــيـــب انــــاتى واســــمـــعـــهــا فى الرباب
وريــنـى بــتــك آيـه جـنــت غـير هـم مـعـلـــق فى الرقاب
وبـي سـبـبـك انـتى عـشـان ابوى ربيتلى جنحين من عذاب
قــفـلـتــا ابــواب الـعـــلــم قــــــدامـى مــــا خـلـيـتــلـى باب
بـدلـتـا آمـالـى الــعــراض بـى حــســـرة دايـــــمه وإكتئاب
يا حليلى أنا المشتاقه لى دقـة جرس للحصة لى فتح الكتاب
يا حليلى أنا المشتاقه تــشـغــل بـالـى مـســألـة فـى الحساب
مـشـتـاقـة لى قـومـت الـصـبــاح الـبـدرى مابرضى الغياب
مـشـتـاقـة لى لـمـة مذاكرة بيـن زميلاتى البعيدات والقراب
بـرهـنـتـا صـاحـب الـمال صبـح فى زمنا بين الناس مهاب
وبـي مـالـوا يـحـكـم للعـقـول والطالبو من غير شـك مجاب
قــول لـى اغــراك الــعــــلـــــــم يـــــا يـابـا ولا الإغـتراب
ولا الــحــــلاوة الـفـى الـلـســان الـفـيـهــا كأس السـم مذاب
ويـا يـابـا ضـيـعـتـا الأبـوه الـبـيـهـا خـاطـر الأســـرة طاب
ومـن غـيـر تـشـورنى بـلا رضـاى عجلـتا بى كتب الكتاب
غــشــاك بُــلال الــمــطــر يــنــزل عـلــيــك بـدون سحاب
لــكـنــوا مـابـيــروى الـعـطــش لـلـظـآمى لا بيروى اليباب
مـالـك تـبـيـعـنى انـا دون تـمــن ظـنـك تـراهـو علـيك خاب
خــلــيــتــنى زى ظـبـيـة ســلـم فى غـابـه تـفـتـرسـه الذئاب
أغـــراك ســـمـــاحــة الــــصـــــــورة ولا مــــلـى الجراب
كـان قـــلـــتـا قـــاصـــد الــفــقـــــــره ديـل ســـــاكت قباب
مـالـك عـلى تحــرمـنـى مـن زولاً قـلـيـبى انـا لـيـهـو حاب
وتجـبـرنى انتى على الغلط وترفضلى وكـت يجى الصواب
أنـا عــشــقـى فى تـربـال يـسـرسـر عرقـوا يسقيبوا التراب
عـيـشـتـو الـبـسـيـطة بـلا كـلـف بى قـلـبـو يتحدى الصعاب
أرضــالـى الـخـاتــاهــو مـنــيــة ودايـره لـى يـكون حجاب
ويـحـمـيـنـى مـن غـدر الـزمـان الـلـيـهو ماك عامل حساب
بــسـعــد مـعـاهـو أنـا فى ديــار احـلامهـا فى مدن الضباب
وبـى ونـسـى فـوق الـعـنـقـريـب والـنسمه جاى هواها هاب
احـسـن لى مـن مـوتى الـبـطـئ بيناتـو عمرى شقى وعذاب
تـرحـل مـصـيـبـتى على العلى وانا مؤمنة والمؤمن مصاب







رد مع اقتباس
قديم 08-09-2007, 04:11 PM رقم المشاركة : 97
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

عفوا
جعفر السقيد


انـا قلبى شـان يـنـسـاك دايرلو تانى زمن
عـفــوا حـبـيــب قـلـبـى ما انت لى وطن
انـا قـلـبــى ذنـبــه شنو عودته انت عليك
عـلـمـته يبكى ينوح يوم ما يشوف عينيك
وكـتـيـن مـلـكـتـه خلاص فريتها لجنحيك
خاطبته بـاسـتـبـداد قـلـت لـيـه اختار ليك
هو الصبار المسكين راجى الليالى تروق
لا كــلا لا مـــلا لا عــــاتــــب المعشوق
كل الـقـدر قـالـو يــانــــاس كتلنى الشوق
والـضقته فى دنياى ما ضاقه قط مخلوق
انـا يا خـلائـق اه ضـقـت العذاب اصناف
شـلـت الـلـيــالـى سـقد تشهد تبارك وقاف
جـربـت صبــر ايوب كانت نهايته جفاف
والـصـابنى يالمريود بالعين محال ينشاف
لـو دار تـعــرف الـبـى ارجوك مرة تعال
اقـعـد وعـايــن بـس مـا تـســأل اى سؤال
انـا يــا حـلـيـلى انـا اصـبـح يـمينى شمال
جـوايـا عـشـرة اشـيـاء خلت حياتى محال
حـظـى الـتـعـيـس الـشـوم الغيرة والعزال
ليل الضياع والخـوف والحيــرة والاهمال
انـك تـمــلـى مـعـاى و بـيـنـاتـنـا كم اميال
احساسى انى بسيط واحـلامى واقفه جبال
صبر اً صبرتو عليك ذكــرنى سيدنا بلال
حتى ان سكــت انــــــــا تـتـكـلـم الاطلال
وآخر المطاف بــالليل سـافـرت باستعجال
لا طلـت بـلح الشام ولا ضقت راحة البال
برضـك تقـول لـى اصبر اتحمل المكتوب
واتـعـوض الله خـلاص انسانى يالمحبوب
خـلـتـنـى ذى عـصفـور هبـت عليه هبوب
فـنـتـلـه عشه شمال شالت صغـاره جنوب







رد مع اقتباس
قديم 08-09-2007, 04:13 PM رقم المشاركة : 98
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

يوم بالسلامة تعود
عبدالرحيم ارقى
علاءالدين عبدالرحيم


يوم بالسلامه تعود تلقانى يانى أنا راجـــياك
لا تـقـلـــق لــــــو غـــبـتــا تـسـعـــــــه سنه
انـا لا غيـرتنى ظروف لا ريدى صابو عنا
انـا لا قـلـبــى شـالـو سـواك لا عنك استغنى
تـلـقــانى مـنـتــظـراك فــــوق نـــارو مستنا
انـا والله غـيـــر لـقـيـــاك ماعندى تانى منى
كـل مـا يـجـيـنـى الـلـيــل انـا بـبـكــى واتألم
تـلـقـانى سـارحـه مـعـاك وانـا بـلـقــاك بحلم
مـالـك قـلـبـى هـواك وجـارى مـجــرى الدم
فـيـك تـروح الـروح وانـا عـنـدى زيـــك كم
طـال الـزمن بـلـحـيـل وانـا قـاعـده مـستنـاك
بـرجـاك ومـا بـنـدم وانـا عـمـرى كلــو فداك
بس يوم تعود ارجـوك لا تسيبنى تانى وراك
يا اقـعـد انــت معـاى يـا إمـا سـوقـنـى معاك
سـألــونى عـنــك يــوم عــــن غيبتك العزال
قــالـولـى فـتــا خــلاص غـبـتـا وبعادك طال
زول مـن رحـــل خــلاك لا جـيـه لا مرسال
وكـتـيـن نـسـاك وفــات خـاتاهو ليه فى البال
قـالـولـى انـسـى خــلاص زى مــاهــو نساك
سهمك يكون مشغــول بى واحده تانى سواك
ابـتـسـمـى للأيــام تـلـقـى الـزمــــــن ضحاك
وخـطـابــك انـت صــفــوف وآلاف بـتـتمناك
رديـت حـيــاتى بـقــــت مـقــرونـة بى إنسان
رابـطـنــا فى الـشـريـان وسـاقينا ريد وحنان
بـيـهـو بـنعـيـش احـبــاب فى روقه وإطمئنان
ويصبح مصيرنا الموت يو ماينزف الشريان
خـلـيـنـى فـى جـواك لا يـبـقـى بـيـنــا عزول
يـوم أطـمـئـن وارتـاح واسمع خلاصة القول
لا مـال بـغـيــــرنى لا إغـــراء بـيـــنـا يحول
انا لا بيملى عيني سواك لا تانى بعشق زول
فـوت كـلام الـنــاس زى مـا جاء خلى يفوت
واسـمــع حـديـثـىعديل لا يجيبوا ليك ملفوت
مـا نـاسـى عـهـدى معاك جوه الفؤاد منحوت
أنا يـوم ارتـبـط بسواك إن شاءالله قبلو اموت







رد مع اقتباس
قديم 08-09-2007, 04:18 PM رقم المشاركة : 99
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

من زحمة الأيام بجيك


مـن زحـمـة الايـام بـجـيـك شـارد مـن الحـزن العلى

تـضـمـيـنـى بـتـحـنـان عليك قبل يموت الشوق عينى

انـتـى الـوحـيـده الـفـى الوجود يبقالى بس خلقوك لى

اهــواك اريــدك اعـشــقــك اعـطـيــك ما ملكت يدى

انـتـى الـنـداوه الـفـى الصباح شقيش مشيت القاك فى

قــولـى كـيــف انـســـاك انــا وانـتــى بتمثلى كل شى

والله يـوم الـتــزعـلـى دنـيــاى تـبـقـى هجير وصيف

والـحـكـمـه يـومو الـتـضحكى يبقالى يضحك كل شى

جـايـيـك والايـام مـعـاى عـصـفـوره فـى مخلب حدى

مـسـكـيـنـه قـاصـداهـا الـظـروف لكن كويت كل حى

كـم مره خاصمنى الخريف جافاها ارضى ودى ودى

طـفـش عـلـى سـرب الـفــراش لا خـلـى آرام لا ظبى

انـا شـن بسـوى مـع الــزمان كاوينى فى وجدانى كى

خـلانـى ســواح فـى الـبــلاد فـاضـلـى ارتـاد الـثـرى

كـل مـا اقـول اشـفى واطـيــب القى الجرح جواى نى

احـتـجـتـا يا خـل للعذاب رحمـاك يا محبوب ياخ على

اشـواقـى والـلـيـل والـمـداد اتـنـاغــــــــم فــوق الودى

وكتبت على صدر الزمان إن شاء الله يـسـعد كل شقى







رد مع اقتباس
قديم 09-09-2007, 09:46 PM رقم المشاركة : 100
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

غناء جعفر السقيد

قدر مادرسنا فيهو درس واحد ماأفادو
تراها الفولة اتملت ليها تانى البقارة عادو


قبيل ماقتا دى القسمة مقّدر وليك الله رادو
بكيتا زرفتا المدامع شكيت لي الله وعبادو
تانى لفيت وجيتا راجع ودينك غلبك سدادو


سئم من حوأ وبناتا ونساهن وأعلن حدادو
وشدا سروج الشماتة وتب من أوهامو زالو
وتانى رجع ليها هى زاتا وبدونا هى ناقص أوراقو



نسى المر البدرى ضاقووعناهو وسفرو وبعادو
زمن متوسد أشواقو ينوم يصحى على ودادو
هو زول منو الباب يتاكو يتاوق واقف قصادو


قبيل وقت الوادى صيّف ما بعدو ومنو حادو
وقتين سمعوبو خّرف رجعولو وتانى عادو
والمخرف لا بدأن يصيف النشوف وين يمشو وين ورادو


حليل فارسنا وزمانو نخاف من هيبة عنادو
بيقدل بي صولجانو وصهيل خيلو ونار زنادو
وقع وانكسرت سنانو وغصب نزلا من جوادو



ديلا بنوت حوأ يا جعفر دريبن والزمن عادو
بعد ما أدم استغفر لحقتو فتنت ولادو
وذنبك انتا لا يغفر تتابع قلبك الرادو


دايرة تحقق أحلاما مع الزول الهى تصطادو
مبطرة زاهى هندامة المجمر والساعة رادو
وده كلو ان ماجا قداما عشوقا تتلت أصفادو



تشوف العاشق متيم بود عيناوسوادو
ترتاح شان هو يتألم خيالا يقلل رقادو
يضوق المره وهى تنعم وتردد الله لا عادو



تراها الفولة اتملت ليها تانى البقارة عادو







رد مع اقتباس
قديم 09-09-2007, 09:56 PM رقم المشاركة : 101
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

إيــــديا ,,,,عبدالرحيم البركل ,,,خالد خليفه (الباشا)

ايـــديّ فـــوق ايـــــديـــك نــبـــنــــيــه اجـــمـــل بيت
تـبــقــيــلــى فـيــهــو ضـراى وانـا ابقـى راس الخيط
مـنــك اعـــرف الـــصــــاح بـيـنـــاتــنـا يبقى صراح
لا نـعــــــــرف الآلآم لا يــــــــوم نـــقــــــول يا ريت
ايـدي فـوق ايـديــك نـبـنــيــه طــــوف فــــوق طوف
بـيـت الأســـاس اخـــلاص بـي ريـد ووّد مـسـقـــوف
يـصـبــح هــواهـــو هــــواى نـسـمـاتوا احلى حروف
فـيــهــو الأســــره هـــيــــام شــبــــــاكـوا لـيـنا ولوف
يـطـــرد كــــلام الــنــــاس شـبــــح الضيـاع والخوف
ايـــــدي فـــــــوق ايـــــديــك نــتـــقـــــــــــاود الأتنين
مـانـحــن مــن سـنـتـيـــن قـــاومــنــا أقـســــى ظروف
صــارت خـطــاى وخطـاك فى نص طريق مرصوف
مـاشــيــــن مــع الأيـــــــام والـــزاد مــنـى واحـــــلام
قـاصــديـــن بــلاد الـريـــد وطـريــقـــه مــا مـعـروف
ايــــدي فــــوق ايــديــــك نـلـحـــق قــوافــل الـشــــوق
الراحله من جواى نبنيه اجمل بيت ترتاحى فيهو معاى
لامـن نـهــايــتـى خـــلاص لامــــن أصــل مــســـواى







رد مع اقتباس
قديم 10-09-2007, 12:19 PM رقم المشاركة : 102
افتراضي مشاركة: صالون الشوايقة

مسدار جزيرة عبدلـــة)

وهي جزيرة بقرب مدينة شندي
ود بادي قال:

أنا أخو البت اللكعت قرن الخمرة النازة
على وردان الصبوة الراكزة مسدار جزيرة عبدلـــة)

وهي جزيرة بقرب مدينة شندي
ود بادي قال:

أنا أخو البت اللكعت قرن الخمرة النازة
على وردان الصبوة الراكزة
الجنيات الهازة .. صدورن لازة ورقّ النص زي خيت الشلة
بالحيل آ جني إيه والله

الجنيات الحزمو الجبة
وعرق الشتوي عليهم نايا و صب
قول ما دل .. رجالا حصدوا الحبة
عيشهن هادو انكال واتعبّ
ومنو كتير في الواطا انكبّ
وباقي مصوبر واقف قبة
الحمد آلاف .. الشكر آلاف
الحمد آلاف الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة.. الحلق الجاف اتبلة
بالحيل آ جني إيه والله

الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دلة.. الحلق الجاف اتبلّ
بالحيل آ جني إيه والله

مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرّن.. فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة

سمح الخمج الفوق أسيادو
سمح العز المن أجدادو
الجنيات المشو ما عادو
كان بالردة أكان اتنادو
غرب حامد وشرق بلة
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إيه والله

ذات في يوم والغيمة تهتّف مطرا نقّع
فوق نوار الطلح الفقع
ريحة البرد إن جاتك عطرا فايت خمر الفوق أردافا مجضع
شفنا الوادي يقشقش في دمعات الليل
والتعل الشايل بدا يتفقع

تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي
لا قوه ثلاثة زبيدية
خالفين سيقانن فوق السنكيت ورقاب ألبل بيناتن مرخية
محجوبات بالخرز الفصلو السوميت
كل واحد درقة وسيف وطبنجية وباقي جرابن مليان دلميت
الجنيات اتقبلو وضاقو الحارة وضاقو المرة
وكان حجازن صقر الجو
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب آ وليدات
عوج الطندب نار القصب الهبلت ما بتعدلو
شوفو شلوخو تلاتة مطارق رقدن
وكل تلاتة يمين سياف اتقبلو
حبوب القارح ... ما دلة
ولدا ما ختالن زلة
شن قولك فيهو عليك الله
بالحيل آ جني إيه والله

وينا مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهّود ونحن نهّود.. عاد أماتن ينادن ليهن
نمشي على القيزان نتقادم.. أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن فوق رملاة الحلة
الا كمان بنشوفا مذلة
الجنيات الغابت جابت
إنت الجيب بس قايلو قميص افرنجي وكرتونات كرملّة
لا لا وحاتك حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة
الولد الجايس حقايب سفرو تقال.. تقال من جنس كتاب ومجلة
الحكمة النضم إياهو الكان.. الحكمة الولد اتوضا وصلّ
عادة البلد الدخلت فيهم سكنت .. سكنت ماب تتخلا
نحن كما طارين الحلة ودرنا الطلة
نشيلا معاهم فرح وميتة
حلاة الموت كان في عبدلة

الجنيات الهازة .. صدورن لازة ورقّ النص زي خيت الشلة
بالحيل آ جني إيه والله

الجنيات الحزمو الجبة
وعرق الشتوي عليهم نايا و صب
قول ما دل .. رجالا حصدوا الحبة
عيشهن هادو انكال واتعبّ
ومنو كتير في الواطا انكبّ
وباقي مصوبر واقف قبة
الحمد آلاف .. الشكر آلاف
الحمد آلاف الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة.. الحلق الجاف اتبلة
بالحيل آ جني إيه والله

الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدكن البعدن قربن
فوق صنقور المحلة الطالت كبن
قول للمحلة بيوتك خربن
قول ما دلة.. الحلق الجاف اتبلّ
بالحيل آ جني إيه والله

مرحاتنا شرابهن يوت ماغبن
شبعانات في الشقل أب شوك ما شبن
الحمل ولدن وربن
حلماتن تقلن.. جرّن.. فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة

سمح الخمج الفوق أسيادو
سمح العز المن أجدادو
الجنيات المشو ما عادو
كان بالردة أكان اتنادو
غرب حامد وشرق بلة
كانوا بحلبو الضرع الدلة
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إيه والله

ذات في يوم والغيمة تهتّف مطرا نقّع
فوق نوار الطلح الفقع
ريحة البرد إن جاتك عطرا فايت خمر الفوق أردافا مجضع
شفنا الوادي يقشقش في دمعات الليل
والتعل الشايل بدا يتفقع

تلب حامد فوق مخلوفة أب زور واتربع
طلق الرسن أب زمة وسوّا خبيبا بدّع
هوّد في رقّاب الصي
لا قوه ثلاثة زبيدية
خالفين سيقانن فوق السنكيت ورقاب ألبل بيناتن مرخية
محجوبات بالخرز الفصلو السوميت
كل واحد درقة وسيف وطبنجية وباقي جرابن مليان دلميت
الجنيات اتقبلو وضاقو الحارة وضاقو المرة
وكان حجازن صقر الجو
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب آ وليدات
عوج الطندب نار القصب الهبلت ما بتعدلو
شوفو شلوخو تلاتة مطارق رقدن
وكل تلاتة يمين سياف اتقبلو
حبوب القارح ... ما دلة
ولدا ما ختالن زلة
شن قولك فيهو عليك الله
بالحيل آ جني إيه والله

وينا مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهّود ونحن نهّود.. عاد أماتن ينادن ليهن
نمشي على القيزان نتقادم.. أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن فوق رملاة الحلة
الا كمان بنشوفا مذلة
الجنيات الغابت جابت
إنت الجيب بس قايلو قميص افرنجي وكرتونات كرملّة
لا لا وحاتك حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العلة
الولد الجايس حقايب سفرو تقال.. تقال من جنس كتاب ومجلة
الحكمة النضم إياهو الكان.. الحكمة الولد اتوضا وصلّ
عادة البلد الدخلت فيهم سكنت .. سكنت ماب تتخلا
نحن كما طارين الحلة ودرنا الطلة
نشيلا معاهم فرح وميتة
حلاة الموت كان في عبدلة






التوقيع

رد مع اقتباس
قديم 10-09-2007, 12:23 PM رقم المشاركة : 103
افتراضي مشاركة: صالون الشوايقة

يقول ود بادي في مرثية جده محمد سعيد بادي العكودابي:

بعد عشرين حسبتها يوم فوق يوم وعام فوق عام حنينكم طش فى طشيش
ويا مالقيت تملى الحنين جمام
اتلفحت شال الشوق احازى الراحلة لا قدام
كسحت شمال وحس طمبوركم الولوال نحاس ابواتكم الرزام صليلن
يصحى فى الشوق اذا ما نسم النسام
نزلت قرير اهالى الشان بعشو الضيف بخيلم فنجرى وعزام
كرفت الطينة ارث الفاتوا ماكفانى الا بركت فوق الدار واتنسمت
من السام
شرفت على رمال القوز واترحمت على حرزا هناك مركوز
على راسم سريع النهمة كان ودتوم وكان فى الماضى مو نوام
ردفت الصيحة فوق الصيحة واتحزمت ابكى رجال
بكيت سيوفن المدروعة فى الحيطان وزى ما هم رقادن طال رقادن طال
بكيت فرواتن المفروشه للجهال ويا ما قال ويا ما قال ويا ما عرض الصهال
نشدت الفى الضريح راقدين عليكم الله يا خالدين
عليكم عزتن كان زمن زينكم ودنياكم لبن معسول وتشربوا فيها بى هينكم
جدى سعيد ولد بادى العكودابى دحين يا ابواتى كان بينكم
قالوا اتربى فوق خيركم ويوم الحارة شايل شينتو من شينكم
يخالطكم قداحة الخير ويتحزم وكت شينكم
وشكاراتو سمعن قولى قالن سى بدن شكرو وقالن لى يمين ما قلت فى
جدك كلام قدرو وكل القلتو فيه قليل وما قارب عشر عشرو
الصهالة والوقالةوالرقالة وام غره هو ركابن
الجهتية والقطنية والمحوية وام درة الباريها حلابن
العشاية والشاشايةوالسباية وام ضرة لى ضيفانو بسخاين
المزروعة والمقروعة والمفدوعة لا برة متمسح ديمة قيسابن
المفزوعة والمقلوعة والممنوعة بالمرة كان من مافى جيابن
راكب الفصلوا رسابن ودايما قدمو فى ركابن
اسود الغابة غلابن وبعرف يكسر انيابن
حلفوا الشافوا قدحو الحار وشافو كتار وماهو كضب
قالوا وساعو مركب زان يشيل اطنان وخرسو هلب
جفير سكينو دمو ينز وداك برادو واسكت كب
اهل السايحة والمتراوحة خاتمة وعاقبة بى قدامو سوا درب
ده ماهو كتير على ولدا مربى على ضفاف النيل ويوم ولدوه دفنو
ابواتو صرتو فوف مراقد الخيل
عكود الكان بعبر الكيل يمين الدنيا جاتو هينة ولينة بالخيرات
مشيلة شيل
سواقى تسوق تلوت الليل ونخلوا متنى شايل العجوة والقنديل
عيوشو مصوبرات كيمان وعيش الريف ولد تيمان وخاتى البودة والعسيل
ده شيتا كم دقون شافنو بين شفقة وحرص عبدنو والعقار لعابن يسيل
الا سعيد الطلق الزايلة وخطب بى مالو دارا خالدة كان عزام وباعو طويل
بساطو الاحمدى المحضور غدا وعشيات ملاقية فطور وديمة ضيوفو ديل فوق ديل
يختف من مطايب الدكة لى ضيفانو ما ضباح حميل وسخيل
طحاناتو ما نامن جبال اللقمة كم عامن على سمنا مصفى تقيل
ويوم الودع الحبان ونورو الضاو تحت التراب ما بان
كان الفقد فيهو كبير وكان اليوم ده ما خاتنو فى الحسبان
وكان ميراثو كل ميراثو قدحا ناز وسيف فولاذ وفروة ناس اصال وعزاز وسبحة
ملانة يا حنان ويا منان
قبل العم وقبل الخال بكوا العدام ..بكوا الايتام بكى الكرم الصبح
مشلول وكل ابواتو راحو وغابو فى الرهبان
ونحن عشنا لازمنا قبل ما يبنوا فيه البيت يكوسو الطبلة والجنزيز مع البيبان
زمان الصالة والصالون زمان الرغوة والبالون حليل الكان
حليل الدانقة والديوان
حليل النافق اموالو وتدى يمينو وما تعرف حسابو شمالو خليك من يعرفوا فلان
كل فضيلة فى الاجداد ابت ما تبقى فى الاحفاد ومسكت فى النعوش
الطاهرة واندفنت مع الجثمان وكل مكارم العابرين معاهم راقدة فى شبرين
وبقت امجادنا كانوا زمان وكانوا زمان






التوقيع

رد مع اقتباس
قديم 10-09-2007, 12:46 PM رقم المشاركة : 104
افتراضي مشاركة: صالون الشوايقة


المتكبر
وفوق كم جاي تتكبر


ترابا بي حنان ضماك

تجيهو الليلة تتنكر

أو انت تكون ولد ريقن

أو جدك يكون عنتر

تكون بلجيكي اوهندي

كمان لودرت تتنصر

وانت الشايفني زول مسكين

عندي المهدي زي عنتر

عندي ابقرجة والقرشي

أحسن من الف كارتر

وعندي مهيرة بت عبود

أخير من مارغريت تاتشر

بضم بي شوق تراب بلدي

واختي ان كان جفاها مطر

واشيل سوداني في عيوني

ولو كان كلو اتصحر

أكنت عرفت حب بلدك

اكان يوم ضقت كسرة كر

لو انت شربت يوم الشاي

من نقاع قعر الجر

اكنت عرفت حب بلدك

لو ماكنت ودبندر

اكنت تشوف حلاة بنوت

نضار بنوت ,حلاتن فاتت السكر

وجوهن زي ملاك رحمة

وعيونن جل من صور

وديسن زي سواد الليل

بشيل شبالو زول اغبر

مجرح ضهرو بالسيطان

وفوقو السوط دربو مجر

رقيصن زي جنا الوزين

وكتين في الدميرة دفر

غناهن قالو ود الدابي

والحاردلو بالدفتر

واسماعيل حسن يازول

قاليهن وكت سطر

حلاة ناسا طعم ناسا

بلا سكر

طعم قراصة في قدحا من الدبكر

كواريك شفع المغرب

يقلبو في الجمر قنقر

وعند ديل النعام آدم

ولايااخوي دوانا سمر

طمبور بي سلك معقود

ولاجيتار بألأف وتر

ولي واحد اكان بدري

اكان بي بلدو مابدري

اكان ود بادي قال بدري:

يادلوعة يامرنوعة

أعدل ايدك المفدوعة

واستعدل واقيف دغري

واس سدرك مع سدري

يعني يكون زي العسكر

ويعني يكون متل غيرو

يفاخر بالوطن ويفخر

تراهو دة بس ولد عازة

وآلاف متلو ماهو نفر

ودي شيمتنا بنعيش احباب

وصفانا صعب وكت نعكر

والدايرنا ألف حباب

والدايرنا ألف حباب

بس مايجينا يتكبر..






التوقيع

رد مع اقتباس
قديم 11-09-2007, 09:02 AM رقم المشاركة : 105
افتراضي مشاركة: صالون الشوايقة

مطر الهيام
سلام يازولة في جواي تحوم بين القلـب والـروح
تسد باب الفرح تالاى وتفتح كل مشاعـري جـروح
***
كمل صبر الليالي معاى خريف أحزاني برقو يلـوح
غمر مطر الهيام جواي جراحا ت الولـه والنـوح
أنا الودر معاكى صباي امل مابيـن ايديـك مذبـوح
تسوقك غربة من دنياي تسوقني عليك غربـة روح
ولا بي أيدي احبسوا هواى دا حال العاشق المجروح
***
مشتاق ليكى وأنتي معاى زمن ساكناني في الأعماق
بعد ساقك قدر لسواي وقف بينـا النصيـب فـراق
تصوري حالي بعدك كيف مسكون الهيـام مشتـاق
حزني الابت تعقبو أفراح ليلى رفض يبينلو إشـراق
احوق صبري في الأيام وصبر أيوب على ما حـاق
***
بكاك قلبي الصبح مكلـوم يتيـم الريـدة والأحـلام
بكا الزول الرجاك عمر موهدب لا صحـا ولا نـام
كشحتى أماني عز الريح رميتي على رمادا حطـام
قدري هواك سقيتو دماي وازهر بين ضلوعي وقـام
نطردو الآهة من جواي ويدخل بي مسامـي سهـام
***
أرسلك رسا يل الشوق وروايع الحب على الإطلاق
ترسلي في خيالك ليل يهب نـار وجـدك الحـراق
لا مليت عذابك لي ولا الشـوق اتعبـوا الساسـاق
غناي عليك لو عار فاهو ينزف مـن جـرح دفـاق
أريتو غنايا بـي ذكـراك يخفـف لوعـة العشـاق
***
ماك محتاجة أحكي ليك أنتي فؤادي ليـك ومعـاك
توسدي في ضفايرك ليل تنومي وحالو مـا همـاك
تكتبي على وريدو اسمك تنحتي صورة لي لذكـراك
قدري معاك بحبك موت ومكتوب إنـي مـا ألقـاك
***
كثير لاموني في حبك شلت دموع ملامـى بـراى
كثير صدوني من دربك لقوها أشواقي سابقة خطاي
بوحي بسر عذابي معاك عليك صدق الهوى الجواك
قوليلن صبح مجذوب ولا على كيفو ينسـى هـواى
مبارى دريبى ذي مجنون مشـدوه لا قلـب لا رأى







التوقيع

عمارنتود

رد مع اقتباس
قديم 11-09-2007, 11:25 AM رقم المشاركة : 107
افتراضي مشاركة: صالون الشوايقة

رواد الصالون يسالون عنك

الرائع فوزي اين انت

لك منا التحايا النواضر






التوقيع

رد مع اقتباس
قديم 11-09-2007, 11:27 AM رقم المشاركة : 108
افتراضي مشاركة: صالون الشوايقة

اقتباس:
المشاركة الأصلية كتبت بواسطة ام وسن مشاهدة المشاركة
رائع عمارنتود

يديك العافية

واصل
والله انتى الرائعه يا ام وسن وصالونك اروع






التوقيع

عمارنتود

رد مع اقتباس
قديم 11-09-2007, 11:29 AM رقم المشاركة : 109
افتراضي مشاركة: صالون الشوايقة

الاخ عبد الهادي

الاخت سوزان

الاخ حسن سادة

الاخ ابو احمد

وجودكم بيننا يزيد المكان القا






التوقيع

رد مع اقتباس
قديم 11-09-2007, 06:47 PM رقم المشاركة : 110
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

الطيف
محمد كرم الله


يمه النوم ابى وجافاني واصبح داجي ساهر
ويــــن حــتــى الـطـيــر رحــــل خــلانـــي
مـــــــــا طــــيـــــب لـــــــــي خـــــاطـــــر
هـي .. قلـيـل يــا طـيـف اقـيـف وارجـانـي
ويـــــــــــــن فـــايـــتـــنــــي عــــــابـــــــر
وانـــا شـــن حــــارس وراك انــــا تــانــي
يــــــانــــــي مــــــعـــــــاك مــــســــافـــــر

لا تــقــولــي هــــــي كــــــدي اسـتــنــانــي
بـــامــــشــــي واجــــــيــــــك بــــــاكــــــر
ويـبـقــى انــــا مــــا الـــــم فــيـــك تــانـــي
ومـــيـــن عــــــارف الـمـصــايــر ويــــــن

الـلـيـلـة هـــــاك اثـــــار انــيـــن الـحــانــي
وابــــــقــــــى مــــعــــايــــا صــــــابـــــــر
خفف لي قليل احزاني ياما انا عشت صابر
انــــــــا مــــــــر الــــعــــذاب ورانـــــــــي
ســهـــمـــوا فــــــــي قــلـــبـــي غــــايـــــر

اللـيـلـة جـــا وفـــر مــــن صــبــح فـنـانــي
لافـــــــــــــح حـــــــــــــروا كـــــــافـــــــر
عـــــدمــــــان الــضـــلـــيـــل لـــــوانــــــي
مــــجــــنــــون قــــــالــــــوا شــــــاعــــــر

انــــا بــحــوم وارجـــــع افــوتـــا بـكــانــي
مـــــرفــــــوع راســــــــــــي حــــــايــــــر
ويـــــــن احــبــابـــي ويـــــــن خــــلانــــي
اه يــــــــــــــــــــــا الله قـــــــــــــــــــــــادر

وانـــــت يــاطــيــف عــلــيــك احـــزانـــي
لـــــــيـــــــا شـــــــويــــــــة كـــــــابــــــــر
عـــشـــان خـــاطـــر قـلـيــبــي عــشــانــي
لـــحــــظــــات بــــــــــــس تــــخــــاطــــر







رد مع اقتباس
قديم 11-09-2007, 06:49 PM رقم المشاركة : 111
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

انــا المأسـاتي ما بتتقـال
عبدالرحيم البركل






انا المأساتي ما بتتقـال بقيـت احسـب عميـري الفـات
عـــــــــــــــذب لا حـــــفـــــلـــــة لا شـــــــبــــــــال
لقيـت الفـات كتيـر وكتيـر مـرق لا زوجـة لا اطفـال
ترانـي فـى مهـب الريـح مريـكـب لا فحـهـا الـشـلال
بقيـت مسحـور عيونـك ديــل اتحـجـر بقـيـت تمـثـال
وافـتـش فــى مكـانـك ويــن لقيـتـك فــى قليـبـى هـنـا
انا الجرب مآسي الغي تعال شوف كيف حفن كرعي
وانـا اتبشتنتـا يــا خــلاي فــوق درب الفـريـع الـنـي
بقت لى مع العيون قصة مخلفة فـوق جروحـى الكـي
خيـالـن مــادوام نـافـر يحـلـق فــى خـلاهـو الـصــي
ولا قــادر افـيــق وارجـــع ولا قـــادر ادارى الـبــي
واشوف غيمك انا العطشان واقول هسع يجيني الري
وفكر فى امور الحـب وادور فـي ساقيـة غيـر معنـي
يـا حليـلـى انــا حلـيـل ايــام سعـادتـي مـعـاك وكــت
كـــان الـزمــن بـســام يـشــاور لـــى دوام ضـحــاك
يضمنا كان هدوء الليل هو لا حس همسة لا كـوراك
لقـيـت يــا قـلـب زولــك بـعــد وجـعــك لقـيـتـو دواك
اتاريهـو الزمـن دولاب قسـي ورجعـنـي الــف سـنـه
طـريـتــا انــــا طــريــت الـسـمـحـة بــيـــن اهـلــهــا
وكـت تنـزل وكـت تطلـع مـع الحـوب يجتمـع شمِلهـا
تــمــد ايـديـهــا للـمـنـقـة تــداعــب لـلـجـريـد قـبـلـهـا
وماهمـاهـا زولا فــات يقـاسـي الغـربـة مــن اجـلـهـا
ماخلانـي ابتليـت بـي ريدهـا افتـل فـى حـبـال رمـلـه
كمان خايف الجنون يحصل تفوت عقليتـي بـى قبلهـا
بوريكم مآسـي غرامـي عشتهـا وعمـرى كـان تمنهـا







رد مع اقتباس
قديم 11-09-2007, 06:51 PM رقم المشاركة : 112
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

يسمو هوانا
رميه عبدالرحيم البركل
عبدالقادر محمد عبدالقادر

يـسـمـو هـوانــا يـتـصـاعـد
ونسـمـو معـاهـو نتـصـاعـد
نـجــاور روعـــة الأفـــلاك
نـحـاور مـجـلـس الأمـــلاك
وجـنــب النـجـمـه نـتـواعـد
ننـسـج مــن خـيـوط الـنـور
عـلـى رمــل القـمـر مـرقــد
يـنـزل لــلأرض عـصـفـور
يـتـرجـم بالـغـنـاء المـشـهـد
واقـارن بيـن سبايـب الليـل
خصل شعـرك تكـون اسـود
نكتـب فـى السحابـه جـواب
بتهـطـل تــروى كــل بــلاد
ويزرعوا ناسـا حـب الغيـر
ويشتلوا فى الصحارى وداد
وتبقـى الدنـيـا واحــة خـيـر
زمـن افـراح واحلـى أعيـاد







رد مع اقتباس
قديم 11-09-2007, 06:53 PM رقم المشاركة : 113
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

كضاب البقول مشتاق
رميه عبدالرحيم البركل
كرار نورى


كضاب البقول مشتاق قبل ما يخـوض بحـور الشـوق
بحور الشوق بخوضها براى انا البى حبكـم مشـروق
جروح الريد علاجن كيف مع القمرى البسوى القوق
كـبـرنـا ودارت الايـــام ومـــازال الـجــرح مـفـتـوق
انـا دساتيـر قلبـى مالقيتـن ولا واحـد فـضـل مـدقـوق
فضلتا وحيد عذاى دمعات سكبتها مـن قلـب محـروق
صوت الآهة فى الاعماق تناتـل فـى القمـم مـن فـوق
نسمه من الخريـف الفـات تقـول لـى الـوداع ملحـوق
على مهلـك تشيـل الـزاد تسافـر فـى طريـق ممحـوق
تشيـل همـك تقـول يـا لـيـل تــروح تلـحـق المخـلـوق
مهدل وبال وكل الفات يشـوف بـاب الـرزق مخنـوق
مشتت بين سؤال وجواب وبـالا فـى الضهـر مفـروق
حكايتى انا يا امير الناس متل طوريه جنـب واسـوق
تقلوا كـلام مربـع وزيـن وجسمـو تلاتـى مـا مطبـوق
تعالى يا نجمع احكى ليك عن الليل السرب لـى فـوق
ملفح من شعاع الموت موقى حرابو روق جنب روق
مؤمل حالوا بين حجريـن يقـول يمكـن اكـون معتـوق
فجأة الدنيا تكسى ظلام يشـوف قلـب الصبـر مشقـوق







رد مع اقتباس
قديم 11-09-2007, 06:56 PM رقم المشاركة : 114
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

ثنائى العامراب

سافر بلا ميعاد خلى الديار باكيه
مجبور ابو الجنيات اصلوا الظروف قاسيه

سافر حبيب الروح ودعتو للبارى
خلا ام لهيب فى الجوف ما زارنى وآنارى
يا حليلو قام عجلان ما ودعو الجارى
قالى افوتكم كيف لوماها إجبارى

فى شان لقمه العيش ساب الخزين دارو
خلا البطان فى الحوش يتباكوا يتجاروا
شوف عينى شفت البيت يتباكى لا جارو
والشئ المعذبنى ما شلت آثارو

اوعت تغيب وتفوت وتطول الغيبه
الغربه كان مليت ارجع تعال سيبه
اصلوا الكمال لله فى كل بلد عيبه
روحك دى غاليه على ارجعلى عود جيبه
.







رد مع اقتباس
قديم 11-09-2007, 07:02 PM رقم المشاركة : 115
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

لو قصر العمير ان طال لو حجبتني منو جبال
حقي بجيبو حقي انا مابخلي محال

حقي بجيبو حقي انا خلوق مو مال
لاكان يوم ضياع امال
حقي خلق معشعش فيني والموج اب سبيب حلال

حقي بجيبو لاهاميني شيل الحال
ولا شماتي والعزال
حقي اكبر من القالوه ايوة اكبر من البتقال

حقي بجيبو دمعي الما وقف هطال
لو حل انقرن موال
لو فوق خاطري تاني صبرت قلبي بينفجر زلزال

حقي بجيبو لو اقضي العمير ترحال
اوضيع شبابي نضال
فوق مبداي لو كان مته كان قبالي مافي رجال

حقي بجيبو لو ضاع حقي بي اهمال
ماكان حالي هادم حال
راقد فوق جمر ياويلي واتقلب يمين وشمال

حقي بجيبو حقن مابيجيبو سؤال
لابد من يجيبو قتال
ترقص في سبيلو المهجه والنيم البيعجبو الدال







رد مع اقتباس
قديم 11-09-2007, 07:06 PM رقم المشاركة : 116
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

أتحداك



لو تنسيني أو لي حبي تلقى بديل إنا الدرب الخطاي تمشيهو تعجز عن مشيهو الخيل
حبك لبا لو تخفيهو يظهر فى وشيك عديل تبدأ ملامحو فى عينيك يقراها الكفيف بالليل

ما أتولد البسير فوق دربي والبخبر دروبي قليل
والدرب التطول ايامو بوصل ميسو في فد ليل

مابتنسينى مهما كان لأظنك تلاقى سبيل
والضاق الظلال فد مرة مابيرميهو حتى النيل

مابحزن عليك والله لو سالت دموعك سيل
جافة عيوني مما قمته مابتعرف عناق منديل

لو راجنى ارجع ليكى ماترجينى مدى حبل رجاك طويل
أموت والله مليون مرة أفضل من اجيك ذليل

برفض أطرا زول ناسينى مهما كان فراقو تقيل
لمن أريد بريد بالجد لمن انسي بنسى عديل

مابحزن على موت ريدنا بى أيدك كان اختير
والموت فى بعض مرات يكون افضل من العلعيل

لو كان الجمال غاريك بى احساسى ببقى جميل
لو معتادة يجرو وراك مابتلقينى من نوع ديل

حترجعى يوم براك تكتشفى انو هواى مالو مثيل
حترجعى لي حماي تكوسى في جنة غرامي ضليل

والبهدى لي لحن مثالي ابادلو جميع غناهو هديل
والحاول يمازح قلبى بلعب بى قليبو شليل

متأسف على إحساس اتخيلتى انو جميل
متأسف على أوهام سمينها عشق جميل

متأسف على أحلام بيني وبينا مليون ميل
متأسف لانى اهديت مشاعر ضوقتنى الويل

متأسف على شتلات زرعتها في الصحارى قبيل
أتخيلتا أنها تبقى واحة ريد ثمار ونخيل

ارتاح في ربوعا أنجما واحد من ثمارا أكيل
لكن ياخسارة زراعتي كانت جوه مجرى السيل







رد مع اقتباس
قديم 12-09-2007, 08:52 AM رقم المشاركة : 117
افتراضي مشاركة: صالون الشوايقة


صـدْيت و جفيت

صـدْيت و جفيت يا روحي ليه و تِبعـت عُزالك
نِسيت الماضي و أحلامنا و قِليبى الحنّ شاشالك
بناهـو معـاك أجمل ريد طـوّع شعـرو غــنالك
تهد في لحظـة بنيانو تهـد آمالو و آمالك
قضّـى سـنينو في لوعـة يكِد يكدح عشـان مالك
و اليوم البقالك خُنتو فيهو غـرزت شوتالك
عشـنا الـدنيا أجمل ريد مسـتور حالي من حالك
نسيت العُشرة و الألفة نسيتو قليبى ليه مالك
رضيت بالقسمة يا ريدى مُناي إنشاء الله تلقالك
قليبن ليك يكون مرفأ و تعيش مُرتاح سعيد بالك
وامسح قلبي من قلبك و أنسى وكِت قبيل شـالك
ضماك بى حنان وحنين وبى كل طِيبه هشالك
لكين كان جزاهـو جُـحود نُكـران كـانت أفعـالك
صـديت بى جفاك منو بعـد عـودتو إقبالك
خلاص أنسـاهو يا قلبي و أنسـى هـواك و اتمالك
ما كان العشـم يقسى و يمد ايديهو يغـتالك
رضيت تشقى و يعيش مرتاح ليه بى غدرو يرضالك
ويزرع بالصدود عُمرك سُيوفو تمزق أوصالك
رغـم انك تريدلو الـخير و كان الـخير دوام فألك
لوّن بالسـواد عـمرك وشّحوا بالرماد كآلك







التوقيع

عمارنتود

رد مع اقتباس
قديم 14-09-2007, 09:46 PM رقم المشاركة : 118
افتراضي مشاركة: صالون الشوايقة


كلمنى عن رؤياك

تعال كلمنى عن رؤياك وما فيها
صحيح بالله شفت النار وشفتنى ياجميل فيها
قول لى كان شعورك كيف وهل حاولت تطفيها
والله كمان رضيت بالحال وقلت اسيبو فى الفيها
دى ما احلام ؟؟؟ دى حاجة خفيه ما اظنك تعرفيها
وحاتك ظاهرة فى عينيك لو جاولت تخفيها
ليه ما تشوفى روضة غنية بالازهار تطوفيها
وتلقى كمان طيور الريد تناديك وتشوفيها
بقيت محتار شفاهك تروى حكاية القى عينيك تنفيها
وارجع اناجى نفسى براى يبقى عهوده توفيها
وتشوف آيه وتنال غاية وتقول احلى الشعر فيها
وتسال الله من شر خلقو والحساد يكافيها
وتنوم مسرورة من هلواسا يشفيها
وتشوف الجنا فى احلاما والاحباب تصافيها
وعيونا تقول حكاوى الريد تصالحنا ونعافيها
ونعيش ف دنيانا فرحتا وابتهاجا وكل ترفيها
حليلى انا البنات افكارى ضاعت بين قوافيها
وتاهت فى بحور الريد بتسال مين مرافيها
وين مرسالا كان يا حليلو بالاخبار يوافيها
بعد عاش السعادة معاها كيف يقبل يجافيها







التوقيع

عمارنتود

رد مع اقتباس
قديم 15-09-2007, 04:35 PM رقم المشاركة : 119
افتراضي مشاركة: صالون الشوايقة

الشاعر القدال
مرقن صباحا جيت من عين بروقن
خايفات مهاوى الصيد خايفين حروقهن
هن فوقنا متسابحات وعبوننا فوقن
مرقن من الجايات ختمن مروقن
جيتك كما الجمرات راجمات علوقن
من نورى متطابقات حالفات يقوقن
طيرتين من الجنات منحلى طوقن
نشدن غناوى الخير طرقن حلوقهن
من مغرب الغنوات لا عند شروقن
تابات مع البنوت لا زمات عشوقن
شبلنو متسابقات متساوى روقن
شيلن بلا خيلن والعزة طوقن
نخلن بلا شعرن والنيل عروقن
ما بردن فاترات يوم حر سوقن
ما قبلن حارنات خوف البسوقن
دمرن شعاب الروح فى يوم نشوغن
بلدن قلوب الناس والحنة شوقن
هن عرفن الخلقن خابرات خلوقن
تمن تمام الكيف حسبن فروقن
ايش البلد حيكون ناقص دلوقن
غنن بنينة الخير فوق حادى نوقن
بنن بنن بانينة يا بنينة هى
نبنى البنا البانينا يا بنينة هى
باسم الله ابتديت يا ربى يا بارينى
والصلاة والسلام للحبه بارينى يابنينة هى
الوطن السماح الحبه بارينى
قلبى على الولد قلب البلد بارينى يا بنينة هى
مامنعوك من شمس الله ما منعونى
والكلمةالحقيقة حقيقة شمس الكون يا بنينة هى
للغبش السواد غنوة وشفا المكنون
للظالم سياط تجلد قفا الظربونى يا بنينة هى
ما منعونى من ريحتك ولا منعوكا
ما كازوك لو عرفوا العنا وعرفوكا يا بنينة هى
الغنوة البحجرا عليها بالبازوكا
دوب سجانها فز وفرهدت فى شروكا يابنينة هى
ما منعوها من شوفتك اذا منعوها
تلقاك فى الارض فى امها وفى بوها يا بنينة هى
شارياك بالنفس ما همها الباعوها
لا نايحه بتنوح لا أذنت مندوهة يا بنينة
ما منعوك ما منعوها ما منعونا
شيل الناس وشم الطين وشوق أمونة يا بنينة هى
ما شفنا البكيل نقص حوافى الشونة
ما كبر الصغير بى نفخة البالونة يا بنينة هى
كيف العاصمة تبقى الشاية للحرية
والعكاز مضبب والزمن جهدية يا بنينة هى
نحن عروسنا قولة حق نشيلها هدية
لى ابو قدوم ونورى حليوة والمكنية يا بنينة هى
نحن الكلمة شمس القايلة ما بنلوكا
سن الحق على الظربونى حلق الشوكة
جنياتا بعرفو الغنوة شدوا سلوكا
شالوا الحق نهيض نقزى وضرب دلوكة
نحن بلدنا راسية النيا يراضى حدوبا
فى الغرب الجبل فى النص جبال النوبة
فى الشرق التلال عطرون علاج القوبة
والبركل مع الاماتونج ركايز الحوبة
نحن بلادنا باولادها البعرفوا الراطنة
احمد ودقرنق واسحاق اخوك وابوفاطمة
لو ما كان قبيل حشف القبيلة الجاطنا
كنا نهضنا لى قدام لحقنا الفاتنا
نحن غنانا للولد البشوف قدامو
للبنت البتسند حيلو شادة حزامو
ونحن غنانا للبلد البراشى غمامو
نطرى جمايلو حميدو وجميل اياموا
جيت ناس فلتكان ختونا فى غوغايا
قالولنا السلام زيت البلد هو الغاية
(شيشانا) القبيل غنونا بالهوهايا
ولدولنا السلام ولدة حبل بالداية
المهدى القبيل ولدا قدل فوق عزة
و(الشيشان) سكوت لا زول عرض لا هزة
يا نص العصا اللاكرة فيك لا فزة
بوش وبلير اخوك ختونا فى قد بزة يا بنينة هى .






التوقيع

رد مع اقتباس
قديم 16-09-2007, 04:01 PM رقم المشاركة : 120
معلومات العضو
عضو جديد
إحصائية العضو







اخر مواضيعي
 
0 مبروك للأخت نازك

اشجان غير متصل


افتراضي مشاركة: صالون الشوايقة

يا فرحة في بحر السراب
يا كلمة في أول جواب
يا واحة في ليل الصعاب
يا خيط شعاع وسط الضباب
يا نجم من دنيانا غاب
يا أغلى ما تحت التراب
من خلفي قضبان العذاب
ليك برسل الآهات خطاب
يا يمة يا الأمل الرحل
قبال يقول كلمة وداع
يمة يا النور الخفت
قبال يرسل خيط شعاع
يمة يا دمعة فطيم
خلوهو لي ليل الضياع
يمة يا مركب نجاة
غرقت قبل تفرد شراع
يمة يا نجمات صباح
مرن سراع مرن سراع
يا يمة من بعدك أنا
أصبحت للأحزان وطن
دروشت في خلوة أساي
سبحت بي خرز المحن
كتحت صبري أنا للرياح
غنيت للأحزان بكن
دقيت باب الذكريات
كان ألقا لي هناك سكن
لا لقيت صورتك في الخيال
لا شفت من بعدك زمن
ودرت لي درب الرجوع
كل المعالم إختفن
فتشت في كل البلاد
كان ألقا لي طيبتك مثيل
دورت في كل البقاع
شايل عذاب ليلاً طويل
زادي الوحيد كان الصبر
في الظلمة والزمن العليل
زمناً يشيل حق الضعيف
يديهو لي عابر سبيل
زمناً يغير كل شئ
حتى الزمان كان مستحيل
يا يمة كيف يتبلّ شوق
والشوق على كل يوم يزيد
لا إنتي بنتي ولا هو راح
لا غيرو الزمن المديد
يمة من بعدك لا فرح طلانا
لا ضمانا عيد
غير خيط فرح يبدا ويروح
كل ما أقول يا داك فرح
ألقاهو مني بعيد بعيد
لكني راجع ليك أنا
بالرغم من كل المحال
جاييك عشان أعرف خطاي
من وين تستف للرحال
جاييكي لو كان مستحيل
جاييكي لو كان في الخيال
لاقيني لو كان في الحُلم
ما الدنيا من بعدك زوال
عنواني خلف اللاوجود
يا أُمي يا أبعد منال







رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جون قرنق يرقص طرباًً فيما توقف البشير!!! رشيق اباظة المنتدى السياسي 6 11-07-2005 11:25 AM
للبيع ،،، صالون حلاقة محمد قاسم الأرشيف العام 1 27-09-2004 01:14 PM


الساعة الآن 12:03 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
تنبيـه هـام : جميع الآراء والتعليقات المطروحة بأسماء حقيقية أو مستعارة تمثل وجهة نظر كاتبها وليس بالضرورة وجهة نظر الموقع