منتديات قرية عمارة ( البيت بيتك )

منتديات قرية عمارة ( البيت بيتك ) (http://www.3amara.com/forum/index.php)
-   المنتدى العام (http://www.3amara.com/forum/forumdisplay.php?f=21)
-   -   حنانة النسى اهله ما نسانا .. و سيناريوهات من الشارع السودانى (http://www.3amara.com/forum/showthread.php?t=12702)

حاتم ارنتى 05-06-2006 05:42 PM

مشاركة: حنانة النسى اهله ما نسانا .. و سيناريوهات من الشارع السودانى
 
يقول ( محمد) ارتقاشه:

وياليت ادارة المنتدي تسمح لي بان افتح بوست خاص عن الدكاي لنعرف اهمية هذة المادة في الحضارة النوبية وكيف نمت في مجالس تعاطيها غالبية الاداب النوبية وكيف كانت تستخدم في جميع الاحتفالات القديمة الدينية وغيرها وحتي في العهد الاسلامي كانت تتعاطي علي مستوي رجال الدين وقبل ان يتحول المجتمع النوبي الي مجتمع وهابي كانت الدكاي جزء اصيل من التراث والحياة النوبية

اقول سبحان الله من وين جبته الكلام ده ؟؟
وياريت تفتح بوست خاص فيهو فايدة !!! قال دكاى قال؟؟؟؟؟؟؟؟؟؟؟؟؟؟؟؟؟؟

محمد ارتقاشة 05-06-2006 07:41 PM

مشاركة: حنانة النسى اهله ما نسانا .. و سيناريوهات من الشارع السودانى
 
[QUOTE=حاتم ارنتى]يقول ( محمد) ارتقاشه:

وياليت ادارة المنتدي تسمح لي بان افتح بوست خاص عن الدكاي لنعرف اهمية هذة المادة في الحضارة النوبية وكيف نمت في مجالس تعاطيها غالبية الاداب النوبية وكيف كانت تستخدم في جميع الاحتفالات القديمة الدينية وغيرها وحتي في العهد الاسلامي كانت تتعاطي علي مستوي رجال الدين وقبل ان يتحول المجتمع النوبي الي مجتمع وهابي كانت الدكاي جزء اصيل من التراث والحياة النوبية

اقول سبحان الله من وين جبته الكلام ده ؟؟
وياريت تفتح بوست خاص فيهو فايدة !!! قال دكاى قال؟؟؟؟؟؟؟؟؟؟؟؟؟؟؟؟؟؟[/QUOTE] كيف حالك يا حاتم الكلام دة انا جايبو من متون كتب التاريخ وما بالغت في شيء ومشكلتنا اننا نعتقد باننا من مواليد جمهورية افلاطون وياخي ما تخاف انا ما قلت اني عايز افتح بيت دكاي وعلي فكرة لواري ارنتي دي جاية ولا رايحة وتحياتي الي صديقي دكاين كوبيي ودمتم وما نخرب الحنانة بهذا الموضوع ارح ارح ارح

حيدر 05-06-2006 08:17 PM

مشاركة: حنانة النسى اهله ما نسانا .. و سيناريوهات من الشارع السودانى
 
اقتباس:

المشاركة الأصلية كتبت بواسطة منار محسوب

بس شنو قصة التبريكات دى ... عيد الضحية قرب و لا شنو كل شىء الا يشفروك يا حيدر ؟؟؟؟؟؟

الريموت رايح يامنار والتبريكات بمناسبة شم النسيم واعياد ثورة الانقاص(يافرحتنا بيكم يا حاتم )..... (كده روحناك انتي ذاتك يامنار...)

حاتم مشتاقين كتير و الله.... الغريبه ياحاتم مابسمع لعثمان حسين غير ربيع الدنيا بس.... لكن حيرتنا معاك؟ سمعنا بناس هاشم ميرغني ناس عثمان حسين مالهم كمان؟

عبد الهادي الزبير همد 05-06-2006 09:31 PM

مشاركة: حنانة النسى اهله ما نسانا .. و سيناريوهات من الشارع السودانى
 
سعدت كثيراً بأن وجدت صيوان حنانة يدب فيه الحياة بكل نرجسيتها كما تركناه وانتهز هذه السانحة لأحي العملاقة منار وساعديها حسن سادة وعصام السيد وبقية العقد الفريد كما يسعدني بأن نوجه لكم الدعوة بحضور سهرة الخميس وذلك مساء يوم الأحد المقبل بإذن الله عارفكم حتقولوا كيف سهرة الخميس حتكون يوم الأحد لكن أبشركم وأنا جايي صيوان حنانة مريت بصفصافة وشربت حاجة باردة مالحة ما شفتها قبل كده إلا في بيت محمد هاشم ياربي دا يكون شنو يا كلامينكوف؟؟؟؟؟؟؟

رباب فاروق 05-06-2006 09:35 PM

مشاركة: حنانة النسى اهله ما نسانا .. و سيناريوهات من الشارع السودانى
 
تحية مسائية لكل رواد حنانة وخاصة حسون ومنورة وابوصلعة
والله يا منورة السودان شكلها حتنور تاني بعد ما كانت مضلمة خصوصا
مع قطع الكهرباء الكتير وما عندك مشكلة نظبط ليك جبجبة فاهمة
ويا ابوصلعة الجبجبة حتنوتك وياريت يا حسون تكون معانا لكن
ما في مشكلة حننقل ليك الجبجبة اول باول ويا ام الحلوين مرحب بيك في حنانة
انت وبقيت العقد الفريد

رباب فاروق 05-06-2006 09:36 PM

مشاركة: حنانة النسى اهله ما نسانا .. و سيناريوهات من الشارع السودانى
 
والله يوريني فيك يوم يا رباب !!![/size][/color][/QUOTE]
يا ابوصلعة دقست ما اتونست

عبد الهادي الزبير همد 05-06-2006 10:05 PM

مشاركة: حنانة النسى اهله ما نسانا .. و سيناريوهات من الشارع السودانى
 
اقتباس:

المشاركة الأصلية كتبت بواسطة منار محسوب
على فكره فى اجازتى للخرطوم عندى فكرة نعمل لينا ليلة حنانية بحته تلم كل بورداب الخرطوم و رواد الحنانه منها تعارف و منها جبجبة لايف .......

انتظروني لامن أجي من البلد

عصام السيد 06-06-2006 01:52 AM

مشاركة: حنانة النسى اهله ما نسانا .. و سيناريوهات من الشارع السودانى
 
اقتباس:

المشاركة الأصلية كتبت بواسطة عبد الهادي الزبير
سعدت كثيراً بأن وجدت صيوان حنانة يدب فيه الحياة بكل نرجسيتها كما تركناه وانتهز هذه السانحة لأحي العملاقة منار وساعديها حسن سادة وعصام السيد وبقية العقد الفريد كما يسعدني بأن نوجه لكم الدعوة بحضور سهرة الخميس وذلك مساء يوم الأحد المقبل بإذن الله عارفكم حتقولوا كيف سهرة الخميس حتكون يوم الأحد لكن أبشركم وأنا جايي صيوان حنانة مريت بصفصافة وشربت حاجة باردة مالحة ما شفتها قبل كده إلا في بيت محمد هاشم ياربي دا يكون شنو يا كلامينكوف؟؟؟؟؟؟؟

يا مرحبا بي حبيب الكل عبدالهادي ليك وحشة والله
وكذلك للدكتور حيدر وحبيبنا حاتم والجميع

يخوانا حسن سادة مختفي اليوم مع انو اليوم ماهو يوم الاحد
دي مداخلة بسيطة و اذا في عمر برجع بكرة خليني اخلص الفي يدي واجيكم

منار محسوب 06-06-2006 07:29 AM

مشاركة: حنانة النسى اهله ما نسانا .. و سيناريوهات من الشارع السودانى
 
الف و مليون مراحب بصديقى العزيز المتر عبد الهادى ما فهمنا انت وين السودان ام الرياض لو عندك طريقة خليك فى الخرطوم انا يوم 5 يوليو بالاماراتية حاكون انشاء الله فى مطار الخرطوم وحشتنا سهراتك و تعليقاتك .... ارتقاشه و حاتم ارنتى يا هلا بيكم .. دكتور حيدر طمنتنى انو الموضوع مافيه تشفير لكن لو احتفالات ثورة الانقاص ما مشكلة احتفل و جامل حاتم ارنتى شوية .... ربوبة وينك الصفصاف شايفه نشاطو قل شوية عايزين برامج كاربه للصيف .... و ما تنسى تحضيرات الجبجبة لايف ... اما ناس عصام و سناء موتو كمد ... و وين وين تلقوا زى ده حفلتنا تمام و مهججه ....

العزيز حسن سادة السكر الزيادة شايافاك اختفيت لعل المانع خير لو صحتك تمام و بس مشغول ما مشكله ... سؤالنا عليك بكثرة و يا ريت تطمننا عليك

و حنانه النسى اهلو ما نسانا وين
عبد الهادى ظهر و باين حاضر الجبجبة معانا
و ارح ارح ارح ارح الصفقة الصفقة الصفقة الصفقة

حسن سادة 06-06-2006 09:42 AM

مشاركة: حنانة النسى اهله ما نسانا .. و سيناريوهات من الشارع السودانى
 
العزيزة " المسافرة ومفارقانا وممسخة علينا صيوانا"
الأستاذة منار
أسعد الله صباحك الزاهي لونه

كان لي بالأمس ضرساً فهوى
نعم أختاه العزيزة فقد تخلصت من ضرس بات يؤرقني ويقض مضجعي طويلاً ولم تبرحني الآلام
فقضيت عليه إلى الأبد، مما دعاني للغياب عن الحنانة يوم الأمس مع إنكم جميعاً كنتم في شغاف
القلوب ومآقي العيون فشكراً للسؤال والإهتمام وهكذا عهدناك أصيلة ونبيلة حفظك الله لنا جميعاً

والشكر وذات المشاعر الرهيفة موصولة إلى حليفي الإستراتيجي عصام السيد
وأقول له بلهجة حنانية المنحى " يا عصام قولي متين الجية يا الهجروك عليا"
ومشتاقين إنت متين تجينا وسهرانين الليل طال علينا
يا الساكنين في حي القطينة إلخ

لقد أسعدني كثيراً مرور الدكتور حيدر بعد غربة وشوق أي بعد الغياب وطربت كثيراً
لكلمات الأغنية التي أجاد وتلطف بها وليته يعيد الكرة مع خالص التحايا القلبية لشخصه العزيز

أما الأخ محمد آرتقاشة فقد قبلت إعتذاره الراقي والإعتذار من شيم الكرام ومرحباً به عضواً فاعلاً
في البوست وفي إنتظار مساهماته الثرة .

وشكراً للفراشة الحائرة التي حلقت في سماء البوست والذي ما بيخشى زول في هوى الحنانة وما بيخشى زاجر ألا وهو حبيب الكل وصديقنا العزيز مموشي سيداً ومرحباً بك في أي وقت تشاء فالحنانة تفتح مصراعيها لشخصك الكريم وتحتضنك بشوق غامر يفوق مياه الدميرة.

وكم كانت الفرحة تسعني كثيراً حينما فوجئت بطلة العزيز الهميم عبد الهادي بعد غيبة طويلة
فسألنا عنه في شوق بالغ،فقيل لنا ما فيه من عوج دقت يداً بيد وعضت على العناب بالبرد واسترسلت سألت عنه فقيل لي بأنه
منهمك بالإمتحانات فقلت له"تذاكر في دروس اليوم ونحن قرينا يوم باكر" وعموماً نتمنى له التوفيق والسداد
والعودة إلى البوست ليمطرنا لؤلؤاً من نرجس.

والفرحة الكبرى قد إكتملت فصولها بمرور إبنتنا الغالية الأستاذة رباب مراسلتنا في العاصمة المثلثة ورئيسة الصفصاف
وأطلب منها أن توافينا بآخر مستجدات الأغاني الحنانية في عاصمة الثقافة العربية الخرطوم عموم
يا عيني

وأخيراً مسك الختام أحيي الأخ الأرنتاوي الأصيل حاتم أرنتي فمرحباً بك يا إبن الشرفاء والأجاويد
في بلادي العزيزة أرنتى العراقة والأصالة
ولي حتماً عودة

حسن سادة 07-06-2006 10:03 AM

مشاركة: حنانة النسى اهله ما نسانا .. و سيناريوهات من الشارع السودانى
 
العزيزة منار
نهارك سعيد ومنور
هأنذا ألتقي معكم جميعاً في صبيحة هذا اليوم الأغر وأرفع
أكفي في ضراعة تمزق إلى المولي العلي القدير
أن يمن على هرمنا الشامخ محجوب شريف بموفور الصحة
والعافية وأن يمده بالعمر المديد
اللهم آمين

وأهديكم قصيدة من قصائده

كفتيرا تفك الحيره
يا بت احسن من غيرا
ولذلك انت هنالك
في ركن السوق الشعبي
بت امك ما بتكوسي
دروب الشك والذلة
مرات الكسرة تعوسي
ما بسمع حسك
الا النجمة وديك الحلة
وعجينك في البستلة
في ليل الصاج الداكن
ترميهو قميرا قميرا
كفتيرا تفك الحيرة
يا بت احسن من غيرا
حليمة النيمة تلمك
في ضلها كتر خيرا
النبر جنب البنبر
والمسك الفايح عنبر
نعناعك طينو قريرا
الشاى والبن دلاية
هبابة ترفرف طيرا
نجوم الضحى جمراتك
صحيها جميرا جميرا
غزلانك دستة كبابي
تتفنني في تميرا
فنجانك جنب فنجانك
شفع في زفة وسيرا
وتزازي برند برندا
العدة حرام كسيرا
كفتيرا تفك الحيرة
يا بت احسن من غيرا
حليمة النيمة تلمك
في ضلها كتر خيرا

حاتم ارنتى 08-06-2006 12:50 PM

مشاركة: حنانة النسى اهله ما نسانا .. و سيناريوهات من الشارع السودانى
 
العزيز حسن ساده الف سلامات !! بس اوع ده يكون ضرس العقل!!! وكفتيرة تفك الحيرة ؟؟؟؟؟؟؟؟؟؟؟؟؟

حسن سادة 08-06-2006 01:11 PM

مشاركة: حنانة النسى اهله ما نسانا .. و سيناريوهات من الشارع السودانى
 
العزيزة منار هانم
إيه الغيبة دي؟؟؟
تكونيش سافرت بالجد؟
أم أنه العمل؟
وفي كل الأحوال لعل المانع خيراً
وعسى ما شر وعساكي على القوة (ذي ما بيقولوا أهلنا في الخليج)

ومرحب بيك وألف مرحب يا إبن العم حاتم
وبعدين ضرس العقل من زمان طار
وإنت قايلني صغير أنا من دفعة العواجيز
ذو الفقار وشمس الدين وحافظ وتاج الدين يماني
ولكن أصغر بكتير من ناس محمد هاشم وتيراب وعلي رضوان
أما الدكتور العزيز حيدر بردويل ما عارفه أكبر أم أصغر
مني سناً أما مقاماً فكل هؤلاء الذين ذكرتهم كبار
وأنتهزها فرصة سانحة وأزجيهم أحر التحايا وأجمل الأماني
ولشخصك الكريم مني كل مودة وتقدير وإجلال

رباب فاروق 09-06-2006 07:12 PM

مشاركة: حنانة النسى اهله ما نسانا .. و سيناريوهات من الشارع السودانى
 
التحية لكل رواد حنانة والعزيز حسن سادة ومنورة العسل
وابوصلعة ويا منورة منتظرنك علي احر من الجمر والمتر وينك
عايز تقلب السهر للاحد ما عندك مشكلة احنا فاتحين ليك
الصفصافة في اي وقت بس انت قول عوك

عصام السيد 10-06-2006 12:08 PM

مشاركة: حنانة النسى اهله ما نسانا .. و سيناريوهات من الشارع السودانى
 
اقتباس:

المشاركة الأصلية كتبت بواسطة رباب فاروق
التحية لكل رواد حنانة والعزيز حسن سادة ومنورة العسل
وابوصلعة ويا منورة منتظرنك علي احر من الجمر والمتر وينك
عايز تقلب السهر للاحد ما عندك مشكلة احنا فاتحين ليك
الصفصافة في اي وقت بس انت قول عوك


والله بفرتقة بفرتقة لو اجي ولا تجي في مطار ابو ظبي

الواحد بقي ماقادر يكتب حاجة غير يتصفح بس خلني اخلص من الفي يدي واجيكم

ام الحلوين 10-06-2006 10:39 PM

مشاركة: حنانة النسى اهله ما نسانا .. و سيناريوهات من الشارع السودانى
 
التحية للاهل الحنانة حسن سادة ومنورة ورباب وعصام وجميع رواد الحنانة طبعا الايام دي بنجهز للسودان ويارباب استعدي انا جايه الاحد الجاي جهزي الجبجبة لحدا ما منورة تجي حسن سادة سلامتك الظاهر كبرت واللة حنفقدك في الخرطوم .
عصام الحسادة شنو ؟؟؟؟؟؟؟؟؟؟؟؟؟؟؟

منار محسوب 11-06-2006 02:20 PM

مشاركة: حنانة النسى اهله ما نسانا .. و سيناريوهات من الشارع السودانى
 
سلام جاكم يا حبايب صيوان الحنانه حسن سادة سلامتك و ناس العالم و كاس العالم كرامتك بما فيهم صالح كامل المشفر الدولى و كذلك صفاء ابو السعود بركة الجات فى ضرسك دى عين اصابتك عشان تغيب عن صيوانك لكن الحمد لله الجاتك فى ضرسك سامحتك و بركة الجيتنا طيب بعد داك كلو بيبقى طيب ... عصام الخرطوم فردة كعب يعنى تعال جبجب و ارجع و التزكرة على حساب الحنانه نسميها رحلة عمل بما انك مسئول العلاقات العامة .. ام و ابو الحلوين حاولت ارسل ليك رسالة خاصة بارقام تلفوناتى فى الخرطوم لكن لقيتك مشفره لا يمكن الوصول اليك و ارسال رسالة خاصة عشان كده اتصلى بربوبة و هى عندها كل التفاصيل..... ربابة ربة البيت ما حوصيك الترتيبات كلها عليك مكان فنان ساوند جمهور كلو فى كلو و اهم شىء الكاميرات الحتنقل الحدث لايف : بالمناسبة يا حاتم ارنتى معزوم فى الحفلة اللايف دى انشاء الله تجى تأذن لينا الصبح .....

و ارح ارح ارح ارح .......... و حنانه النسى اهله ما نسانا وين

عصام السيد 11-06-2006 02:42 PM

مشاركة: حنانة النسى اهله ما نسانا .. و سيناريوهات من الشارع السودانى
 
منار شكلك خفتي ادعو عليك تقوم الطيارة كدا لاقدر الله !!!

المهم تمشي وتجي بالسلامة بس عليك الله جبجبي لي معاك !!!

انا ح وصي ليك ود اختك حاتم فنتي عشان يكلم اخواني يسعادوك بكل الترتيبات وعارف رباب ما بتقصر ودا طبعا عشان تغيظني بس ما مشكلة ليك يوم ياكوم



حسن سادة 11-06-2006 03:21 PM

مشاركة: حنانة النسى اهله ما نسانا .. و سيناريوهات من الشارع السودانى
 
العزيزة الغالية منار
يومك يوم السعد والهناء
وبركة الجيتي الحنانة طيبة وسالمة
وشكراً على السؤال عن الضرس الذي ولى
وهاكي الحنانة دي عشان ضرسي المرحوم:
ضرستنا ما هنتنا،،،، ما ما هنتنا يا حلوين
أكان الضرس بدل واحد يكون همين
وبعدين تعالي يا أم شهد أنا كلمة الجبجبة دي
ما ناقشها كلو كلو لأنو نحن مقفولين في الجزيرة
الحنينة دي وما بتجينا آخر المصطلحات الخرطومية دي
فممكن Kindly do brief me and get me updated properly
وتحية شديدة للعزيز عصام السيد والإبنة الحبيبة رباب
وست الكل أم الحلوين نوارة البوست والمطرح كلو
ووووين حبايبنا الغالين

وفوتكم بعافية

عصام السيد 11-06-2006 04:02 PM

مشاركة: حنانة النسى اهله ما نسانا .. و سيناريوهات من الشارع السودانى
 
اقتباس:

المشاركة الأصلية كتبت بواسطة حسن سادة
العزيزة الغالية منار
يومك يوم السعد والهناء
وبركة الجيتي الحنانة طيبة وسالمة
وشكراً على السؤال عن الضرس الذي ولى
وهاكي الحنانة دي عشان ضرسي المرحوم:
ضرستنا ما هنتنا،،،، ما ما هنتنا يا حلوين
أكان الضرس بدل واحد يكون همين
وبعدين تعالي يا أم شهد أنا كلمة الجبجبة دي
ما ناقشها كلو كلو لأنو نحن مقفولين في الجزيرة
الحنينة دي وما بتجينا آخر المصطلحات الخرطومية دي
فممكن Kingly brief me and get me updated properly
وتحية شديدة للعزيز عصام السيد والإبنة الحبيبة رباب
وست الكل أم الحلوين نوارة البوست والمطرح كلو
ووووين حبايبنا الغالين

وفوتكم بعافية

فايت ماشي وين يا حبيب الكل ولا عاوز تبيعنا زي ناس منار !!!

حسن سادة 11-06-2006 05:06 PM

مشاركة: حنانة النسى اهله ما نسانا .. و سيناريوهات من الشارع السودانى
 
العزيز عصام بيه السيد
على قولتك لسع الزمن بدري و خليني شوية عشانك في البوست
عشان جنبك يطول عمري
ودار الحنانة والصيوان تلقاني من أهلها
ومين اللي ما بيعرف طيبة شباب الحنانة

وبرضو ما وريتني يعني شنو الجبجبة اللي إنتو
شابكين فيها دي يا ناس الخرطوم بالليل
وسلام مربع لحبايبنا في الحنانة

منار محسوب 12-06-2006 07:41 AM

مشاركة: حنانة النسى اهله ما نسانا .. و سيناريوهات من الشارع السودانى
 
صباحتكم بيضاء يا حبايب الحنانه ... العزيز ود سادة السكر الزيادة كلمة الجبجبة فى الزمخشرى تعنى الكشف التقيل فى الرقيص و يقولوا جنس جبجبة و تتخللها كلمات ارح ارح ارح النبق النبق النبق ... و فوق و فوق و فوق ... و ستو و سمحه و قلبها قلبها قلبها ...... و آى ..... يعنى لمن الكتاحة تكون للركب ... هذه هى الجبجبة يا عزيزنا السادة ...... و اكيد رباب و عصام السيد بما انهم معاصرين اكثر للجمل المستخدمة فى الشارع السودانى فيمكنهم ان ينورونا اكثر .....

و حنانه العايز يجبجب يجى معانا و ين
النقده النقده النقده النقده
و حنانه النسى اهله ما نسانا وين

حسن سادة 12-06-2006 11:29 AM

مشاركة: حنانة النسى اهله ما نسانا .. و سيناريوهات من الشارع السودانى
 
العزيزة منار
صباح الخير
شكراً لإفادتنا بهذا الشرح الوافي لتلك الكلمة التي لم ترد في قاموسي
وإليك هذه الحنانة التي تتوافق مع هذه الكلمة:
صيوانا ترباسه إنخلع ،،،، والمنتدى بي أسره إنجذب
فلتحيا عصر الجبجبة ،،، بلا وإنجلا
حمد الله ألف على السلامة

سليمان داود 12-06-2006 12:24 PM

مشاركة: حنانة النسى اهله ما نسانا .. و سيناريوهات من الشارع السودانى
 
اقتباس:

المشاركة الأصلية كتبت بواسطة منار محسوب
كلمة الجبجبة فى الزمخشرى تعنى الكشف التقيل فى الرقيص و يقولوا جنس جبجبة و تتخللها كلمات ارح ارح ارح النبق النبق النبق و حنانه النسى اهله ما نسانا وين

تحية للثنائي الظريف منار وود سادة وبقية العقد الحناني

منار ضحكت بجنون على تفسير الزمخشري لكلمة الجبجبة مع وضع خط تحت كلمة الزمخشري، الله يهديكي يا بتعة الزمخشري، عشنا وشوفنا منار بتثري الحنانة بمراجع وحنانات لم تخطر على البال

أخوي ود سادة ما يهمك كلنا مسطحين ويومنا النمشي الخرطوم تلقانا زي الطرش في الزفة، يعني مش إنت براك، تصدق أنا أولت كلمة جبجبة بتأويلات بعيدة وربك ستر، كويس الطلعت كدة

وكلنا في الهم شرق

منار محسوب 12-06-2006 12:38 PM

مشاركة: حنانة النسى اهله ما نسانا .. و سيناريوهات من الشارع السودانى
 
لجميع رواد الحنانه و المسافرين للسودان فى الاجازة امثال شيخنا سليمان ادارة الحنانه حريصة كل الحرص بتزويد روادها و تحديث معلوماتهم حتى لا يكونوا مسطحين خلال اجازتهم فقمنا بعمل كتيبات صغيرة فيها احدث العبارات المستخدمة فى الشارع السودانى مثال جبجبة .... و معاه كلامو ... ده زول فى السلك ..... و بكاى و براى ... و كثير من المصطلحات ..... لمزيد من الاستفسار يرجى الاتصال برباب فاروق و عصام السيد و هم المسئولين عن تجميع هذه المصطلحات و توزيعها على جميع رواد الحنانه الفى حوجة الى بعض الكورسات الخاصة قبل السفر ... الحنانه تقدم جميع الخدمات فى سبيل اسعادكم و هناكم نقوم بعمل المستحيل رضائكم هو هدفنا .......

حسن سادة 12-06-2006 12:43 PM

مشاركة: حنانة النسى اهله ما نسانا .. و سيناريوهات من الشارع السودانى
 
العزيزة اللماحة/ منار
أولاً، وبادئ ذي بدء، دعيني أرحب بصديقنا وأستاذنا الغالي أبو داؤود
وأقول ليه والله صدقت ، نحن لمان نروح السودان حنكون ذي الأطرش في الزفة
وحنمشي نقول ليهم (والله هذا كشخة غير) (وهذي مرة وكلش) (وإيش لون بالله)

وحنلقى النيل القديم ما ياهو ولا يانا وبهذه المناسبة أهدى العزيز سلمان هذه الحنانة
القديمة للراحل المقيم مصطفى سيد أحمد وهي مهداة أيضاً مع خالص الود
لكل رواد الحنانة الأعزاء:
من الأبرول أبت تطلع
من الأقلام أبت تطلع
من المدفع طلع خازوق
خوازيق البلد زادت
يفيض النيل
نحيض نحنا
يظل حال البلد واقف
تقع محنة
ولا النيل القديم ياهو
ولا يانا
نعاين في الجروف تنهد
ولا يا نا
رقاب تمر الجدود تنقص
ولا يانا
متين إيد الغبش تتمد
لاقدام ولاقدام
تتش عين الظلام بالضو
تفرهد شتلة لا هدام
ولا فيضاً يفوت الحد
عقب يا نيل تكون ياكا
ونكون أهل البلد بالجد
يا مطر عز الحريق
يا مصابيح الحريق
يا المراكبية البتجبد
من فك الموج الغريق
يا ما شايلك بيني حايم
لا الليالي المخملية
لا العمارات السوامق
لا الأسامي الأجنبية
بتمحى من عيني ملامح
وإنتي جاية المغربية
دايشي داقسي المغربية
وشك المكدود مكندك
صمصونايتك زمزمية
كون شبر طورية منجل
سبحة فانوساً مدردح
قلتي بيهن لي زمانك
يا زمان الحاجة عندك
يا زمان الآهة حد
لا تطا الوردة الصبية

منار محسوب 12-06-2006 02:26 PM

مشاركة: حنانة النسى اهله ما نسانا .. و سيناريوهات من الشارع السودانى
 
انت حقا مبدع و بحق و حقيقة سادة و سكر زيادة على الاخر ... الله يديك العافية

sana 12-06-2006 02:41 PM

مشاركة: حنانة النسى اهله ما نسانا .. و سيناريوهات من الشارع السودانى
 
شكرا ود ساده على الروائع المصطفيات والناس الماشه الخرطوم جبجبتكم قومت نفسنا ويا رباب وقريبي عصام ما نوصيكم على كورس التقويه للمصطلحات الخرطويه وخاصة لمولانا سليمان عشان ما يتكوك في السودان .
كوكني كوكوتو
اها سمعتو المصطلح ده في معجم الزمخشري بتاع منار لوووووووووولز

عصام السيد 12-06-2006 02:48 PM

مشاركة: حنانة النسى اهله ما نسانا .. و سيناريوهات من الشارع السودانى
 
جب جب جربة
جاب البيبسي قام شربة
شربة كيف شربة كدا
-----
جب جب جربة
جاب الباسطة قام اكلا
اكلا كيف اكلا كدا
-------
جب جب جربة
جابة الرقصة قام رقصة
رقصة كيف رقصة كاد
جب جب جب جب جب جب جب
جب جب

عصام السيد 12-06-2006 02:54 PM

مشاركة: حنانة النسى اهله ما نسانا .. و سيناريوهات من الشارع السودانى
 
اقتباس:

المشاركة الأصلية كتبت بواسطة منار محسوب
لجميع رواد الحنانه و المسافرين للسودان فى الاجازة امثال شيخنا سليمان ادارة الحنانه حريصة كل الحرص بتزويد روادها و تحديث معلوماتهم حتى لا يكونوا مسطحين خلال اجازتهم فقمنا بعمل كتيبات صغيرة فيها احدث العبارات المستخدمة فى الشارع السودانى مثال جبجبة .... و معاه كلامو ... ده زول فى السلك ..... و بكاى و براى ... و كثير من المصطلحات ..... لمزيد من الاستفسار يرجى الاتصال برباب فاروق و عصام السيد و هم المسئولين عن تجميع هذه المصطلحات و توزيعها على جميع رواد الحنانه الفى حوجة الى بعض الكورسات الخاصة قبل السفر ... الحنانه تقدم جميع الخدمات فى سبيل اسعادكم و هناكم نقوم بعمل المستحيل رضائكم هو هدفنا .......

بما انو المصطلحات دي موجود في كافي الصفصافة فبتالي الرد عند رئيسة الصفصافة ؟
اما نحنا فخبرتنا فقط ثمانية ايام في السودان ولكن ممكن نساعد بعض الشئ ذي

فردة منقرضة
يعني صاحبي لمن غلط

استاش بالدمرداش
دي عند رباب


الساعة الآن 08:08 AM.

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
تنبيـه هـام : جميع الآراء والتعليقات المطروحة بأسماء حقيقية أو مستعارة تمثل وجهة نظر كاتبها وليس بالضرورة وجهة نظر الموقع